جىل باسىنان بەرى الەۋمەتتىك قىزمەتتەر پورتالى ارقىلى 138 مىڭنان استام مۇگەدەكتىگى بار ادام كومەك الدى، دەپ حابارلايدى almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
اتاپ ايتقاندا، 107،3 مىڭ مۇگەدەكتىگى بار ادام وڭالتۋدىڭ تەحنيكالىق قۇرالدارىن، 6،1 مىڭ ىمداۋ ءتىلى جانە 25 مىڭ ادام جەكە كومەكشىنىڭ قىزمەتىن الدى.
بۇگىنگى كۇنى پورتالدا ارناۋلى الەۋمەتتىك قىزمەتتەر كورسەتەتىن 849 مەديسينالىق-الەۋمەتتىك مەكەمە (بولىمشەلەر)، 378 وتق جەتكىزۋشى، 26 مىڭنان استام جەكە كومەكشى، 685 ىمداۋ ءتىلى جانە 105 ساناتورلىق-كۋرورتتىق ەمدەۋ قىزمەتتەرىن جەتكىزۋشى تىركەلگەن.
پورتال مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوندىرۋشىنى جانە جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق سيفرلىق قولتاڭباسىمەن راستاۋ ارقىلى جۇزەگە اسىرىلادى. تاپسىرىس بەرىلگەن وڭالتۋدىڭ تەحنيكالىق قۇرالدارىن جەتكىزۋ نەمەسە ءوز بەتىنشە اكەتۋ ارقىلى الۋعا بولادى.
ايتا كەتسەك، مۇگەدەكتىگى بار ادامدارعا بەرىلەتىن وڭالتۋ قۇرالدارى – پروتەزدىك-ورتوپەديالىق، سۋردوتەحنيكالىق، تيفلوتەحنيكالىق جانە گيگيەنالىق قۇرالدار، سونداي-اق كرەسلو-اربالار.
پورتالدى پايدالانۋ بويىنشا كەڭەس الۋ ءۇشىن قولداۋ بايلانىس ورتالىعىنا، ياعني 1414 ءبىرىڭعاي نومىرىنە حابارلاسۋعا بولادى.