ۇستاز ەسىمىن ۇلىقتاۋ – ءار ادامنىڭ ازاماتتىق پارىزى.
ق ر پارلامەنتى سەناتىنىڭ ءتوراعاسى ماۋلەن اشىمبايەۆ مۇعالىمدەردى كاسىبي مەرەكەلەرىمەن قۇتتىقتادى، دەپ حابارلايدى Almaty-akshamy.kz.
«قۇرمەتتى ۇستازدار! سىزدەردى بۇگىنگى كاسىبي مەرەكەلەرىڭىزبەن شىن جۇرەكتەن قۇتتىقتايمىن! بۇل كۇن – ۇستازداردىڭ ۇلت تاربيەلەۋ جولىنداعى ەرەن ەڭبەگىنە دەگەن ەرەكشە قۇرمەتتىڭ بەلگىسى. شىن مانىندە، ۇرپاقتىڭ ۇلاعاتتى دا پاراساتتى بولىپ قالىپتاسۋى ءمۇعالىمنىڭ بەرگەن ءبىلىمى مەن تالىمىنە بايلانىستى. سوندىقتان ۇستاز ەسىمىن ۇلىقتاۋ – ءار ادامنىڭ ازاماتتىق پارىزى.
پاندەميا سالدارىنان ءبىلىم بەرۋ سالاسى ايتارلىقتاي زارداپ شەككەنى بەلگىلى. سول كەلەڭسىزدىكتەردى ەڭسەرۋ جولىنداعى ۇستازداردىڭ قاجىر-قايراتىن ايرىقشا اتاپ وتكەن ءجون. وسىلايشا مۇعالىمدەرىمىز ءوز قىزمەتىنە دەگەن ادالدىقتىڭ وزىق ۇلگىسىن كورسەتتى. قازىرگى تاڭدا مەملەكەت تاراپىنان ۇستازدارعا الەۋمەتتىك قولداۋ كورسەتۋ جۇمىستارى كەشەندى تۇردە جۇرگىزىلىپ كەلەدى.
پرەزيدەنتىمىز بيىلعى جولداۋىندا پەداگوگتەردىڭ جالاقىسىن ءوسىرۋ، ولاردىڭ بىلىكتىلىگىن ارتتىرۋ جانە باسەكەگە قابىلەتتى مامان بولۋىنا قاجەتتى جاعداي جاساۋ بويىنشا ءتيىستى ورىندارعا ناقتى تاپسىرمالار بەردى. مەملەكەت باسشىسى بەلگىلەپ بەرگەن وسىنداي مىندەتتەردىڭ ناتيجەلى ىسكە اسىرىلۋىن زاڭنامالىق تۇرعىدان قامتاماسىز ەتۋگە پارلامەنت سەناتى قاشاندا دايىن.
«التى الاشتىڭ بالاسى باس قوسسا، ءتور – مۇعالىمدىكى» دەپ ماعجان جۇمابايەۆ ايتقانداي، ۇستازدار قاۋىمى قانداي قۇرمەتكە دە لايىق. سول سەبەپتى، الداعى ۋاقىتتا پەداگوگ ماماندارعا، جالپى ءبىلىم بەرۋ ىسىنە جۇيەلى قولداۋ كورسەتۋ ءىسى جالعاسا بەرەدى. بۇگىنگى ءتول مەرەكەلەرىڭىزبەن قۇتتىقتاي وتىرىپ، سىزدەرگە زور دەنساۋلىق، ۇزاق عۇمىر، تولايىم تابىس جانە اماندىق تىلەيمىن! جەتىستىگىمەن قۋانتار شاكىرتتەرىڭىز كوپ بولسىن!»، دەپ جازدى سەنات ءتوراعاسى ءوزىنىڭ Facebook الەۋمەتتىك جەلىسىندەگى پاراقشاسىندا.