جالپى ءبىلىم بەرەتىن مەكتەپتەردە 7 652 پەداگوگ-پسيحولوگ جۇمىس ىستەيدى
ءبىلىم جانە عىلىم مينيسترلىگى سەنات دەپۋتاتى دانا نۇرجىگىتوۆانىڭ پەداگوگ-پسيحولوگتاردى دايارلاۋ تۋرالى جولداعان دەپۋتاتتىق ساۋالىنا جاۋاپ بەردى. ايتۋىنشا، 2019 جىلعى 1 قىركۇيەكتەن باستاپ ۇلتتىق تەستىلەۋدەن ءساتتى وتكەن جاعدايدا پەداگوگ-پسيحولوگتەرگە پەداگوگيكالىق شەبەرلىك ساناتى بەرىلەدى جانە قوسىمشا اقى تولەنەدى، دەپ حابارلايدى Almaty-akshamy.kz ۆaq.kz-كە سىلتەمە جاساپ.
مينيسترلىك مالىمەتىنە سايكەس، جالپى ءبىلىم بەرەتىن مەكتەپتەردە 7 652 پەداگوگ-پسيحولوگ جۇمىس ىستەيدى. وڭىرلەردە 1 876 پسيحولوگيالىق قىزمەت جۇمىس ىستەيدى، وندا 11 مىڭنان استام مامان قىزمەت اتقارادى.
«ءبىلىم بەرۋ ۇيىمدارى مەملەكەتتىك ءبىلىم بەرۋ ۇيىمدارى قىزمەتكەرلەرىنىڭ ۇلگى شتاتتارىنا سايكەس پەداگوگ-پسيحولوگتىڭ شتات بىرلىكتەرىمەن قامتاماسىز ەتىلەدى. 2021-2023 جىلدار ارالىعىندا رەسپۋبليكالىق بيۋدجەت ەسەبىنەن «ورلەۋ» بىلىكتىلىكتى ارتتىرۋ ۇلتتىق ورتالىعى» اق بازاسىندا 97 672 ملن تەڭگە سوماسىنا 1 535 پەداگوگ-پسيحولوگتىڭ بىلىكتىلىگىن ارتتىرۋ جوسپارلانعان. 2019 جىلعى 1 قىركۇيەكتەن باستاپ ۇلتتىق تەستىلەۋدەن ءساتتى وتكەن جاعدايدا پەداگوگ-پسيحولوگتەرگە پەداگوگيكالىق شەبەرلىك ساناتى بەرىلەدى جانە قوسىمشا اقى تولەنەدى (پەداگوگ-شەبەرگە – 50%؛ پەداگوگ-زەرتتەۋشىگە – 40%؛ پەداگوگ-ساراپشىعا – 35%؛ پەداگوگ-مودەراتورعا – لاۋازىمدىق جالاقىسىنىڭ 30%-ى)» – دەدى بعم ۆيسە-مينيسترى بيبىگۇل اسىلوۆا.
سونىمەن قاتار ءبىلىم بەرۋ ۇيىمدارىندا پسيحولوگيالىق قىزمەت جۇيەسىن ودان ءارى دامىتۋ ءۇشىن قولدا بار دەرەكتەر بويىنشا قوسىمشا 6 900-دەن استام پەداگوگ-پسيحولوگ قاجەت. بالانىڭ قۇقىقتارىن قورعاۋدى كۇشەيتۋ، تۇرمىستىق زورلىق-زومبىلىققا قارسى ءىس-قيمىل جانە جاسوسپىرىمدەر اراسىندا ءسۋيسيدتىڭ كوبەيۋى ماسەلەلەرىن شەشۋ جونىندەگى 2020-2023 جىلدارعا ارنالعان جول كارتاسىنىڭ شەڭبەرىندە مەملەكەتتىك ءبىلىم بەرۋ ۇيىمدارى قىزمەتكەرلەرىنىڭ ۇلگىلىك شتاتتارىنا وزگەرىستەر ەنگىزۋ كوزدەلگەن، بۇل پەداگوگ-پسيحولوگتەر شتاتىن ۇلعايتۋعا مۇمكىندىك بەرەدى.
«جول كارتاسى شەڭبەرىندە پەداگوگ-پسيحولوگتەردىڭ قىزمەتىن ادىستەمەلىك سۇيەمەلدەۋ بويىنشا ءىس-شارالار كوزدەلگەنىن اتاپ ءوتۋ قاجەت. جەرگىلىكتى دەڭگەيدە پەداگوگ-پسيحولوگتەردىڭ قىزمەتىن ادىستەمەلىك سۇيەمەلدەۋدى جانە ۇيلەستىرۋدى قامتاماسىز ەتەتىن وقۋ-ادىستەمەلىك ورتالىقتار جۇمىس ىستەيدى. پەداگوگ-پسيحولوگتەردىڭ قىزمەتىن ادىستەمەلىك سۇيەمەلدەۋ بولىگىندە مينيسترلىك شەتەلدىك ارىپتەستەرمەن (UNICEF) جانە ۇكىمەتتىك ەمەس ۇيىمدارمەن تىعىز جۇمىس جۇرگىزىپ جاتىر»، – دەدى ۆيسە-مينيستر.
ونىڭ ايتۋىنشا، ى. التىنسارين اتىنداعى ۇلتتىق ءبىلىم اكادەمياسىنىڭ بازاسىندا پسيحولوگيا، تاربيەلەۋ جانە تۇلعانى دامىتۋ ورتالىعى قۇرىلدى. ورتالىقتىڭ قىزمەتى وڭىرلەردىڭ پسيحولوگيالىق قىزمەتتەرىنە جەتەكشىلىك ەتەتىن بارلىق وقۋ-ادىستەمەلىك ورتالىقتى ۇيلەستىرۋگە، سونداي-اق ءبىلىم بەرۋ ۇيىمدارىنىڭ پەداگوگ-پسيحولوگتەرىن ادىستەمەلىك قامتاماسىز ەتۋگە باعىتتالعان.
قازىرگى ۋاقىتتا مينيسترلىك ورتالىقپەن بىرلەسىپ وڭىرلىك وقۋ-ادىستەمەلىك ورتالىقتار مەن پسيحولوگيالىق قىزمەتتەردىڭ جۇمىسىن جەتىلدىرۋ بويىنشا جۇمىس جۇرگىزۋدە، سونداي-اق وڭىرلەردە ءىس جۇزىندە ىسكە اسىرۋ ءۇشىن پسيحولوگيالىق-پەداگوگيكالىق جۇيەنىڭ مونيتورينگى بويىنشا ءبىرىڭعاي باعدارلاما ازىرلەنىپ جاتىر.