وقۋ-اعارتۋ ءمينيسترىنىڭ مىندەتىن اتقارۋشى عاني بەيسەمبايەۆ سايلاۋداعى زاڭسىزدىقتارعا مۇعالىمدەردىڭ قاتىسى تۋرالى پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بىرىنشىدەن، سايلاۋ ناۋقانىنا مۇعالىمدەردىڭ ءبارى تۇگەل قاتىسپاعانىن ايتقىم كەلەدى. بەلگىلى ءبىر 30 پايىز مولشەرىندە عانا... ەكىنشىدەن، "پەداگوگ مارتەبەسى تۋرالى" زاڭعا بايلانىستى سەنبى-جەكسەنبى كۇندەرى وتكەن سايلاۋعا مۇعالىمدەردى تارتۋعا تىيىم سالىنعانى بەلگىلى.
ال ءمۇعالىم ازامات رەتىندە، جۇمىستان تىس، "سايلاۋ تۋرالى زاڭعا" بايلانىستى، زاڭ شەڭبەرىندە قاتىسىپ جاتسا، وعان، ارينە، ءبىز ەشقانداي شەكتەۋ قويا المايتىنىمىز بەلگىلى.
دەيتۇرعانمەن، "پەداگوگ مارتەبەسى تۋرالى" زاڭعا سايكەس، مۇعالىمدەردىڭ ءوز-وزىن ۇستاۋى، مادەنيەتى جاعىنان دا مىندەتتى تۇردە قاراپ وتىرمىز. الەۋمەتتىك جەلىدەگى مۇعالىمدەردىڭ بايارەكەتتىك ماسەلەلەرگە قانشالىقتى قاتىسى بار ەكەنىن تەكسەرۋ تۋرالى تاپسىرما بەردىم. سونىڭ ءبارىن قاراپ، ءجىتى زەرتتەپ، ءمۇعالىم بە، ءمۇعالىم ەمەس پە، ونىڭ ءبارىن انىقتاۋ كەرەك دەپ ەسەپتەيمىن»، - دەدى ول ءماجىلىس كۋلۋارىندا.
سونداي-اق،ۆەدومستۆو باسشىسى سايلاۋ كەزىندە قانداي دا ءبىر ءمۇعالىم تاراپىنان زاڭ بۇزىلعانى دالەلدەنسە، ءمۇعالىم ادەبى تۋرالى نورمالار بويىنشا ءتيىستى شارالار قولدانىلاتىنىنىن ءتۇسىندىردى.
«قانداي شارا قولداناتىنىمىز زاڭ بۇزۋ ارەكەتىنىڭ دەڭگەيىنە بايلانىستى بولادى»، - دەدى ءمينيستردىڭ مىندەتىن اتقارۋشى.
ب ا ق وكىلدەرى ورتالىق سايلاۋ كوميسسياسى مۇعالىمدەر تاراپىنان زاڭ بۇزىلعانىن رەسمي ماىلمدەگەنىن ەسكە سالىپ، بۇل كەلەڭسىزدىكتەر تۋرالى ۆەدومستۆو باسشىسى نە ويلايتىنىن سۇرادى.
«ءسىز دۇرىس ايتىپ وتىرسىز. ونى مەنىڭ تاراپىمنان قۇرىلعان كوميسسيا انىقتاپ، ۇسىنىس بەرۋى كەرەك. ويتكەنى ءار نارسەگە ءجىتى قاراۋ كەرەك قوي. سەبەبى ونىڭ ارتىندا تاعدىر تۇر عوي. كەز كەلگەن ادام زاڭسىز جازالانباۋى كەرەك. ءبارى ادىلەتتى بولۋ كەرەك دەپ ەسەپتەيمىن. ءبىز مۇعالىمدەرگە سونشالىقتى دەڭگەيدە، بارىنە بىردەي توپىراق شاشۋ دۇرىس ەمەس دەپ ويلايمىن. ويتكەنى ەلىمىزدە 500 مىڭعا جۋىق ءمۇعالىم بار. بەلگىلى ءبىر مۇعالىمدەر ونداي ارەكەتتەرگە بارسا، بۇكىل مۇعالىمدەرگە ونداي ايىپ تاعۋ ارتىق شىعار»، - دەدى عاني بەيسەمبايەۆ.