پەداگوگتەر ءۇشىن ەڭ ماڭىزدى الەۋمەتتىك كەپىلدىكتەردىڭ ءبىرى - جىل سايىنعى اقىلى ەڭبەك دەمالىسىنا شىعۋ ۋاقىتىنىڭ ۇزاقتىعىن بەلگىلەۋ.
ونىڭ ۇزاقتىعى بارلىق پەداگوگ ءۇشىن 56 كۇنتىزبەلىك كۇندى قۇرايدى، دەپ حابارلايدى Almaty-akshamy.kz ق ر وقۋ-اعارتۋ مينيسترلىگىنىڭ باسپا ءسوز قىزمەتى.
پەداگوگتەرگە جىل سايىنعى اقىلى ەڭبەك دەمالىسىنىڭ 2 ءتۇرى بەرىلەدى: نەگىزگى جانە قوسىمشا.
قوسىمشا دەمالىس ەكولوگيالىق قولايسىز جانە رادياسيالىق ءقاۋپى بار اۋماقتاردا تۇراتىن پەداگوگتەر ءۇشىن قاراستىرىلعان. ونىڭ ىشىندە ەكولوگيالىق قولايسىز اۋماقتاردا تۇراتىن پەداگوگتەر ءۇشىن قوسىمشا دەمالىستىڭ ۇزاقتىعى 7 كۇننەن 12 كۇنگە دەيىنگى، ال رادياسيالىق قاۋiپتi اۋماقتاردا تۇراتىن پەداگوگتەر ءۇشىن 5 كۇننەن 14 كۇنگە دەيىنگى مەرزىمدى قۇرايدى. دەمالىس ۋاقىتىنا تۇسكەن مەرەكە كۇندەرى ەڭبەك دەمالىسىنا كىرمەيدى. ەڭبەك دەمالىسىن بەرۋ كەزىندە ناقتى جۇمىس ىستەگەن ۋاقىت قانا ەسەپكە الىنادى.
«ەڭبەك دەمالىسىن بەرۋ كەزىندە ساۋىقتىرۋعا ارنالعان جاردەماقى لاۋازىمدىق جالاقى مولشەرىندە تولەنەدى. ساۋىقتىرۋ جاردەماقىسىنىڭ مولشەرىن ەسەپتەۋ پەداگوگتىڭ دەمالىس بەرىلگەن كۇنگى ناقتى جۇكتەمەسىن ەسكەرە وتىرىپ، لاۋازىمدىق اقى مولشەرىندە جۇرگىزىلەدى، مۇندا قوسىمشا اقىلار مەن ۇستەمەاقىلار ەسەپتەلمەيدى»، - دەيدى بيۋدجەتتىك جوسپارلاۋ دەپارتامەنتىنىڭ ەڭبەكاقى تولەۋ ءادىسناماسى باسقارماسى باسشىسى گۇلايىم توقپانوۆا.
پەداگوگ قوسىمشا جۇمىستى نەمەسە ۋاقىتشا بولماعان قىزمەتكەردىڭ مىندەتتەرىن ءوزىنىڭ نەگىزگى جۇمىسىنان بوساتىلماي ورىنداعان جاعدايدا بۇل لاۋازىمداردى قاتار اتقارۋ بولىپ تابىلادى. بۇل جاعدايدا ساۋىقتىرۋعا ارنالعان جاردەماقى پەداگوگكە نەگىزگى لاۋازىمى بويىنشا عانا تولەنەدى.
ەگەر پەداگوگ قوسىمشا جۇمىستى لاۋازىمداردى قوسا اتقارۋ تۋرالى جەكە ەڭبەك شارتى بويىنشا نەگىزگى جۇمىستان بوس ۋاقىتىندا اتقارسا، ساۋىقتىرۋعا ارنالعان جاردەماقى نەگىزگى جۇمىس ءۇشىن دە، قوسىمشا جۇمىس ءۇشىن دە بولەك تولەنۋى ءتيىس.