بۇگىندە ەلدەگى بانكتەر قىزمەتتىڭ باسىم بولىگىن اۆتوماتتاندىرىپ جاتىر.
5 جىلدا قازاقستاندا ءموبيلدى بانكينگ ارقىلى جاسالاتىن ينتەرنەت-تولەمدەر ۇلەسى 23%-دان 83%-عا ارتتى، دەپ حابارلايدى Almaty-akshamy.kz
ەكىنشى دەڭگەيلى بانكتەردىڭ ونلاين-سەرۆيستەرىن پايدالاناتىندار سانى ارتقان. مىسالى، 2 جىلدا ولاردىڭ سانى 2 ەسە ءوسىپ، بيىل 39،5 ملن بولدى (2020 جىلى – 28،7 ملن، 2019 جىلى – 19،7 ملن). قازىرگى تاڭدا بانكتىڭ ونلاين قىزمەتىنىڭ ەنۋ دەڭگەيى وڭ ديناميكانى كورسەتىپ وتىر.
قازاقستاندا ءاربىر ەكونوميكالىق بەلسەندى تۇرعىن وتاندىق بانك ۇسىناتىن 4-تەن اسا ونلاين-سەرۆيستى پايدالانادى. 2 جىل بۇرىن بۇل كورسەتكىش 2 قىزمەتتەن ءسال عانا اساتىن. ەلدە بيومەتريالىق سايكەستەندىرۋدى ەنگىزۋ قاشىقتان قىزمەت كورسەتۋ سەرۆيستەرىن پايدالانۋدىڭ درايۆەرىنە اينالدى.
بۇگىندە ءموبيلدى قوسىمشالار ارقىلى بانك قىزمەتتەرىن پايدالانۋعا بولادى. Google Play دەرەگىنشە، بۇگىندە ۇزدىك بانك ءموبيلدى قوسىمشاسىنىڭ كوشباسىندا Jusan (Jusan Bank) تۇر. قوسىمشا كوپتەگەن باعىتتى، ونىڭ ىشىندە بانك ءوزى ۇسىناتىن، ءارى ساقتاندىرۋ جانە باعالى قاعازدار نارىعىندا جۇمىس ىستەيتىن Jusan ەكوجۇيەسىنىڭ ەنشىلەس ۇيىمدارىنىڭ قىزمەتتەرىن قامتيدى، ءارى وندا «Jusan دۇكەن» ماركەتپلەيسى دە بار. ەكىنشى ورىندا Halyk Homebank (Halyk Bank) قوسىمشاسى تۇر. ءۇشىندى ورىندا – Kaspi.kz ءموبيلدى قوسىمشاسى.
سوڭعى جىلدارى قولما-قول اقشاسىز تولەمدەر كولەمى 2 ەسە ارتقان. 2021 جىلدىڭ قورىتىندىسى بويىنشا قازاقستانداعى قولما-قول اقشاسىز وپەراسيالاردىڭ نەگىزگى ۇلەسى ينتەرنەت/ءموبيلدى بانكينگ ارقىلى جاسالدى: 83،4% نەمەسە 60،1 ترلن تەڭگە. بەس جىل بۇرىن ونلاين-تولەمدەر ۇلەسى 23،2% بولعان.