وقۋ-اعارتۋ ءمينيسترىنىڭ ءبىرىنشى ورىنباسارى مايرا مەلدەبەكوۆا ساباق بارىسىندا ۇيالى تەلەفون قولدانعان وقۋشىلاردىڭ اتا-انالارىنا قاتىستى جاۋاپكەرشىلىك ماسەلەسىنە تۇسىنىكتەمە بەردى، دەپ حابارلايدى aqshamnews.kz
ونىڭ ايتۋىنشا، ەلىمىزدە وقۋ كەزىندە سمارتفون پايدالانۋعا تىيىم سالىنعان. الايدا ەگەر ساباق جوسپارىنا سايكەس اقپاراتتىق تەحنولوگيالاردى، ەلەكتروندى وقۋلىقتاردى نەمەسە ارنايى قوسىمشالاردى قولدانۋ قاجەت بولسا، ءمۇعالىمنىڭ رۇقساتىمەن تەلەفوندى پايدالانۋعا بولادى.
ۆيسە-مينيستردىڭ مالىمەتىنشە، وسى تالاپتاردىڭ بۇزىلۋىنا بايلانىستى مۇعالىمدەر تاراپىنان ەشقانداي شاعىم تۇسپەگەن.
"قولدانىستاعى شەكتەۋلەرگە قاراماستان، ساباق كەزىندە سمارتفون ۇستاعانى ءۇشىن وقۋشىلاردىڭ اتا-انالارىنا ايىپپۇل سالۋ دەرەكتەرى تىركەلگەن جوق"، – دەدى مايرا مەلدەبەكوۆا.