ۇلتتىق بانكتىڭ ستاتيستيكالىق دەرەكتەرىنە سايكەس، قاڭتار ايىندا ەلىمىزدە ءموبيلدى اۋدارىمدار ارقىلى جاسالاتىن تولەم كولەمى شامامەن 30 پايىزعا قىسقاردى، دەپ حابارلايدى Almaty-akshamy.kz
بۇل تۋرالى اتالعان بانك ءتوراعاسى تيمۋر سۇلەيمەنوۆ ايتتى، دەپ حابارلايدى Almaty-akshamy.kz.
«ءبىز ءتىپتى كەيبىر نۇكتەدە قولما قول ۆاليۋتانى قوسىمشا نىعايتۋىمىزعا تۋرا كەلدى. ويتكەنى، باستاپقىدا ادامدار قولما قول اقشاعا جۇگىردى. مەملەكەتتىك كىرىستەر كوميتەتى تاراپىنان تۇسىندىرۋلەر، كەڭەستەر بەرىلگەننەن كەيىن جاعداي تىنىشتالدى جانە الداعى ۋاقىتتا دا تىنىشتالا بەرەدى. ويتكەنى، مۇندا تۇرعان قورقىنىشتى ەشتەڭە جوق. قولما قول اقشاسىز تولەم دەڭگەيى قالپىنا كەلەدى دەپ ۇمىتتەنەمىز»، - دەدى ول ەلوردادا وتكەن بريفينگتە ب ا ق وكىلدەرىنىڭ ساۋالىنا وراي.
ايتا كەتەيىك، وسى جىلدىڭ باسىنان باستاپ ءارتۇرلى تۇلعالاردان ءۇش اي قاتارىنان اي سايىن 100 نەمەسە ودان دا كوپ ءموبيلدى اۋدارىمدار العان تۇلعالاردى عانا، ياعني، كاسىپكەرلىك قىزمەتتىڭ بەلگىلەرى بايقالعان جاعدايدا تەكسەرۋ جۇرگىزىلە باستادى.