الماتى وبلىسى، زارەچنىي اۋىلىندا ورنالاسقان №12 مەكەمەسىندە قاج قىزمەتكەرلەرىنە ارنالعان “تۇزەۋ مەكەمەلەرىنىڭ ماماندارىنا ءاقپاراتتىق-تۇسىندىرۋ” تاقىرىبىندا سەمينار ءوتتى.
وعان تۇزەۋ مەكەمەلەرىنىڭ تاربيە ءىسى جونىندەگى قىزمەتكەرلەرى مەن جاۋاپتى تەولوگ ماماندار قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
سەميناردىڭ ماقساتى – قاج مەكەمەلەرىندەگى ارنايى كونتينگەنتپەن تىكەلەي جۇمىس جاسايتىن مامانداردىڭ ءدىن سالاسىندا جات اعىم ۇستانۋشىلاردىڭ بەلگىلەرى، ولاردىڭ تۇرلەرى مەن يدەولوگيالارى تۋرالى بىلىكتىلىكتەرىن ارتتىرۋ.
سەميناردى جۇرگىزگەن “ءدىني ەكسترەميزم قۇرباندارى مەن دەسترۋكتيۆتى اعىم ۇستانۋشىلاردى وڭالتۋ ورتالىعى” ديرەكتورىنىڭ ءبىرىنشى ورىنباسارى مەن بىلىكتىلىگى جوعارى تەولوگ ماماندار قاج قىزمەتكەرلەرى تاراپىنان قويىلعان سۇراقتارعا جان-جاقتى جاۋاپ بەردى. ماڭىزدى باسقوسۋدا بىلىكتى تەولوگتار ءدىني توپتاردىڭ نەگىزگى جانە ەرەكشە سيپاتتارى، ءداستۇرلى ەمەس ءدىندى ۇستانۋشىلاردىڭ كوزقاراستارى مەن مىنەز-قۇلقىنا ءتان ەرەكشەلىكتەرى جايلى بايانداما جاساپ، تالقىلانعان تاقىرىپ جايلى كەڭىنەن تۇسىنىك بەردى. سەمينار سوڭىندا الماتى وبلىسىنىڭ ءدىن ىستەرى باسقارماسىنىڭ تاپسىرىسىمەن ارنايى شىعارىلعان ادىستەمەلىك قۇرالدار مەن ديسكىگە جازىلعان بەينەماتەريالدار تاراتىلدى.