كوللەكسيالىق مونەتالار قازاقستاننىڭ تەڭگە سارايىندا جاسالعان.
4 قاراشادا قازاقستان ۇلتتىق بانكى «ەستە قالاتىن وقيعالار مەن ءبىرتۋار ادامدار» مونەتالار سەرياسىنان MÁNSHÚK MÁMETOVA. 100 JYL كوللەكسيالىق مونەتالارىن اينالىمعا شىعارادى. مونەتالاردىڭ ساتىلىمعا تۇسەتىن كۇنىنە قاتىستى اقپارات ۇلتتىق بانكتىڭ رەسمي سايتىندا قوسىمشا جاريالانادى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
مونەتا كەڭەس وداعىنىڭ باتىرى مانشۇك مامەتوۆانىڭ 100 جىلدىعىنا وراي شىعارىلدى.
مونەتا بەت جاعىنىڭ (اۆەرسىنىڭ) ورتالىق بولىگىندە قازاقستان رەسپۋبليكاسىنىڭ ەلتاڭباسى، ونىڭ سول جاعى مەن وڭ جاعىندا ۇلتتىق ويۋ-ورنەك ەلەمەنتتەرى بەينەلەنگەن. اينالدىرا QAZAQSTAN ULTTYQ BANKI • NATIONAL BANK OF KAZAKHSTAN دەپ جازىلعان. تومەنگى بولىگىندە مونەتانىڭ نومينالىن بىلدىرەتىن 100 TEŃGE جازۋى بار.
مونەتانىڭ سىرت جاعىنىڭ (ريەۆەرسىنىڭ) ورتالىق بولىگىندە مانشۇكتىڭ مۇسىندىك پورترەتى، ونىڭ سول جاعىندا – كسرو باتىرىنىڭ التىن جۇلدىزى، سونداي-اق تۋعان جىلى مەن مەرەيتويلىق كۇندى بىلدىرەتىن «1922» جانە «2022» دەگەن جازۋلار بار. وڭ جاعىندا مانشۇك مامەتوۆا ەرلىك جاساپ، قازا بولعان «نيەۆەل» قالاسىنىڭ كارتاسى مەن جازۋىنىڭ ستيلدەندىرىلگەن بەينەسى بەرىلگەن. مونەتانىڭ جوعارعى بولىگىندە «كەڭەس وداعىنىڭ باتىرى» دەگەن جوعارى مەملەكەتتىك ناگراداسىنا ۇسىنۋ انىقتاماسىنىڭ ايشىقتى ءماتىنى باسىلعان.
نومينالى 100 تەڭگەلىك MÁNSHÚK MÁMETOVA. 100 JYL كوللەكسيالىق مونەتالارى brilliant uncirculated ساپاسىندا مەلحيور قوسپاسىنان تۇرادى، ماسساسى – 15 گرامم، تارالىمى – 15 000 دانادا.
كوللەكسيالىق مونەتالار بەلگىلەنگەن قۇنى بويىنشا قازاقستان رەسپۋبليكاسىنىڭ بۇكىل اۋماعىندا بارلىق تولەم ءتۇرى بويىنشا، سونداي-اق بانك شوتتارىنا ەسەپتەۋ ءۇشىن، قازاقستان رەسپۋبليكاسىنىڭ بارلىق بانكتەرىندە اۋدارۋ، ۇساقتاۋ جانە ايىرباستاۋ ءۇشىن قابىلدانۋعا مىندەتتى.
كوللەكسيالىق مونەتالار قازاقستاننىڭ تەڭگە سارايىندا جاسالعان.