اۆتوكولىكتى جارۋ تريۋكتارى، قۋعىنشىلىق، كازينوعا شابۋىل جانە ماحاببات حيكاياسى: ق ر ۇلتتىق ۇلان جاۋىنگەرلەرى تۋرالى ءفيلمنىڭ ءتۇسىرىلىمى قالاي ءوتتى
قازاقستان رەسپۋبليكاسى ۇلتتىق ۇلانىنىڭ ارنايى جاساقتارى تۋرالى «بۇركىت» اتتى كەزەكتى تولىقمەتراجدى كوركەم ءفيلمنىڭ كەزەكتى ەكشنعا تولى تۇنگى ءتۇسىرىلىم ساعات 7.30-دا اياقتالعانى سول، سوعان قاراماي تۇسكە قاراي تۇسىرىلىمگە قاتىسىپ جاتقان توپتىڭ ءبىر بولىگى الماتى قالاسى وڭىرلىك كوممۋنيكاسيالار قىزمەتىنىڭ الاڭىنا كەلدى، دەپ حابارلايدى Almaty-akshamy.kz.
باسپا ءسوز كونفەرەنسياسىنا ءفيلمنىڭ تۇسىرىلۋىنە سەبەپكەر بولعان ۇلتتىق ۇلان پولكوۆنيكتەرى دە، ەكى ايدان بەرى ارنايى جاساق ساربازدارىنىڭ ءومىرىن ءوز باستارىنان وتكىزىپ جۇرگەن تانىمال اكتەرلەر دە قاتىستى.
زاپاستاعى پولكوۆنيك، اسكەري كەڭەسشى، قازاقستان رەسپۋبليكاسى ۇلتتىق ۇلانىنىڭ وكىلى قۋانىش قوجاحمەتوۆ اسكەري ءبولىم تۋرالى قىسقاشا ايتىپ ءوتتى. بۇل اسكەريلەر تۋرالى العاشقى فيلم ەمەس، سوناۋ 2019 جىلى «قازبات» ءفيلمى تۇسىرىلگەن بولاتىن، ونىڭ تۇسىرىلىمىنە قاتارداعى جاۋىنگەردەن باستاپ جوعارى شەندى وفيسەرلەرگە دەيىن بەلسەندى اسكەري قىزمەتشىلەر قاتىسقان.
«ارنايى جاساق تۋرالى، ونىڭ جاۋىنگەرلەرىنىڭ ەرلىگى مەن جانقيارلىق ەرلىكتەرى تۋرالى فيلم ءتۇسىرۋ يدەياسى تۋىندادى. بۇل يدەيانى گەنەرال-پولكوۆنيك، قورعانىس ءمينيسترى رۋسلان فاتيح ۇلى جاقسىلىقوۆ ۇسىندى. سودان بەرى كوپتەگەن جۇمىستار اتقارىلدى. ءبىز ناقتى وپەراسيالاردىڭ مىسالدارىنا سۇيەندىك. فيلمدە ءۇش باتىردىڭ باستان كەشكەن وقيعالارى كورسەتىلەدى»، - دەدى ق.قوجاحمەتوۆ.
ءفيلمنىڭ پروديۋسەرى جانە اسكەري ساحنالاردى قويۋشىسى – وتستاۆكاداعى پولكوۆنيك، 25 جىل ەڭبەك ءوتىلى بار ارنايى جاساق ارداگەرى، قىزىل كۇرەڭ بورىك يەگەرى، ءىى دارەجەلى «ايبىن» وردەنىنىڭ يەگەرى كامال جاقسىلىقوۆ. ول ءفيلمنىڭ ءتۇسىرىلىمىن ارنايى كۇشتىك قۇرىلىمدار ۆەدومستۆوسى قولداعانىن، ءفيلمدى تۇسىرۋگە ارنايى جاساقتىڭ جەتىستىكتەرى مەن ولاردىڭ نىشانى بولعان قىزىل كۇرەڭ بەرەت نەگىزگە الىنعانىن اتاپ ءوتتى.
«بۇركىت» بولىمشەسىنىڭ سيمۆول - قىزىل كۇرەڭ بەرەت. ءبىز وعان قالاي قول جەتەتىنىن ايتقىمىز كەلدى. فيلمدە ارنايى جاساقتا قىزمەت ەتەتىن قازاقستانداعى قاراپايىم ازاماتتاردىڭ ءومىرى كورسەتىلەدى. سونىمەن قاتار، پاتريوتتىق باعىتتاعى فيلم جاستارعا ۇلگى بولماق. فيلم 2023 جىلدىڭ كوكتەمىندە پروكاتقا شىعادى دەپ كۇتىلۋدە، ناقتى كۇنى ءالى بەلگىسىز، ويتكەنى پوست-پروداكشن جاقىن ارادا باستالادى، بۇل دەگەنىمىز - دىبىستاۋ، مونتاجداۋ، كوپ ەڭبەكتى تالاپ ەتەتىن جۇمىس بولىپ وتىر. قازاقستاندا پروكاتقا شىققاننان كەيىن فيلم تمد ەلدەرى مەن شەتەلدەردە كورسەتىلەدى»، - دەدى ق.جاقسىلىقوۆ.
ايتپاقشى، ءفيلمنىڭ پروديۋسەرى بۇعان دەيىن الماتىداعى «بۇركىت» بولىمشەسىن باسقارعان. بۇركىتتىكتەردىڭ اسكەري كۇندەلىكتى ءومىرى ءۇشىن ولار بۇرىننان تانىس بولسا، اكتەرلەر ءۇشىن كينوداعى جاڭا ماماندىق ولارعا تانىس ەمەس بولىپ شىقتى.
تەاتر جانە كينو اكتەرى سانجار ءمادي فيلمدە باستى رولدەردىڭ بىرىندە، ول تۇسىرىلىمگە بارىنشا جان-جاقتى دايىندالعانىن ايتتى.
«ءبىز اسكەري بازاعا بارىپ، سوندا جاتتىقتىق، سودان كەيىن مەنىڭ وز-وزىمە كەلۋىمە شامامەن ءبىر اپتاعا كەتتى. سالماعى شامامەن 40-50 كەلى بولاتىن سىنبايتىن كوستيۋم، وعان قوسا مەن بۇرىن كيىپ كورمەگەن 15 كەلى دۋلىعا كيۋ مەن ءۇشىن كۇتپەگەن جاعداي بولدى. ونىڭ ۇستىنە داۋرەننىڭ ۇستىندە سالماعى 30 كەلى بولاتىن قالقانى بار. پۋلەمەتتەردى ءبىر قولمەن ۇستاپ، ءبارىبىر بىر-بىرىمىزگە ىلەسىپ ءجۇرۋىمىز كەرەك. ءبىز ءۇشىن اسكەري ومىردە ءبارى دە تانىس ەمەس بولدى، سودان كەيىنبىرتىندەپ ارالاسىپ، قويان-قولتىق ۇرىس جاتتىعۋلارىنا كىرىستىك، اسكەريلەر ءتۇسىرىلىم الاڭىندا كەز كەلگەن نيۋانستار بويىنشا كەڭەس بەردى»، - دەدى س.ءمادي.
مىسالى، ناعىز ارنايى جاساقشىلار قارۋدى قالاي ۇستاۋ كەرەكتىگىنە نازار اۋدارعان، بۇل وتە ماڭىزدى، ويتكەنى اتىس شابۋىلى كەزىندە شىنتاقتى جيناۋ كەرەك. ءتۇسىرىلىم الاڭىندا ارتىستەر قىزىل كۇرەڭ بەرەتكە لايىقتى بولۋ ءۇشىن سىناقتان ءوتۋدىڭ بارلىق كەزەڭدەرىن باستان وتكەردى.
وكق الاڭىنا شاقىرىلعان تەاتر جانە كينو اكتەرى، ءفيلمنىڭ باستى كەيىپكەرى داۋرەن سەرعازين تۇسىرىلىمگە تەك فيزيكالىق تۇرعىدا دايىندالىپ قاڭا قويماعانىن، ارنايى جاساق ساربازدارىنىڭ پسيحولوگياسىن زەرتتەگەنىن، قاھارمان بەينەسىنە قالاي ەنگەگىن ايتتى.
«ءبىر ايدىڭ ىشىندە 10 جىلدىق تاجىريبەسى بار ارنايى جاساقشىنىڭ رولىنە ەنۋ وڭاي بولعان جوق، كينونىڭ كەرەمەتى دە وسىندا، كينودا باسقا ادامنىڭ ءومىرىن سۇرە الاسىڭ»، - دەدى اكتەر.
داۋرەن سەرعازين فيلم اسكەرگە دەگەن قىزىعۋشىلىقتى وياتادى، جاستار اسكەردە بورىشىن وتەۋگە ۇمتىلادى. ال ەندى ءبىر بولىگىنىڭ اسكەري ادام بولۋىنا تۇرتكى بولادى دەگەن سەنىمدە.
«فيلمدە تەك اسكەري ءومىر عانا ەمەس، سونىمەن بىرگە، دوستىق، ادامگەرشىلىك، كۇش جاگەرى جانە وتانسۇيگىشتىككە قاتىستى ومىرلىك ماڭىزدى جايتتار كورسەتىلەدى»، - دەپ تولىقتىردى د.سەرعازين.
ءفيلمدى تۇسىرۋشىلەردىڭ ايتۋىنشا، كورەرمەندەردى كوپتەگەن ەكشن-سەنالار وزىنە تارتا تۇسپەك، فيلمدەگى ونداي كورىنىستەر بويىنشا قويۋشى-رەجيسسەر دانيار يبراگيموۆ ەڭبەكتەنگەن.
«ساعات 7:30-دا ءبىز تاعى ءبىر كولىكپەن ءتۇسىرىلىمدى اياقتادىق. بۇعان دەيىن الماتىنىڭ ورتالىعىندا كولىكتى اۋدارىپ جىبەرەتىن تريۋك جاسالسا، بۇگىن فيلمدە كولىكتىڭ جارىلعان ءساتىن تۇسىردىك. سونداي-اق 4،5 مىڭ مەتر بيىكتىكتەن پاراشيۋتپەن سەكىرۋ، ەكى وپەراتوردىڭ قاتىسۋىمەن اۋادا وتە كۇردەلى ساحنالانعان كورىنىستەر، ويىنحاناعا شابۋىل، اسا ءقاۋىپتى قىلمىسكەرلەردى ۇستاۋ جانە اتۋ، ەكى كولىكتى قۋۋ، اتىس بولدى. ارينە، بىزدە دە ماحاببات تاقىرىبى دا بار»، - دەپ تولىقتىردى پروديۋسەر ق.جاقسىلىقوۆ.
پولكوۆنيك جاقسىلىقوۆ اكتەرلىك قۇرامعا كەلگەندە جولىمىز بولدى دەپ ەسەپتەيدى، سەبەبى ولاردىڭ بارلىعىنىڭ فيزيكالىق تۇرعىدا دايىندىقتار بار. داۋرەن سەرعازين كورەرمەنگە «قازبات» فيلمىنەن تانىس بولسا، ءفيلمنىڭ تاعى ءبىر اكتەرى اسىلحان تولەپوۆ مما كۇرەسىمەن اينالىسسا، سانجار ءمادي دە سپورتتىق فورمادا. اسكەريلەر ولاردى تەك تاكتيكالىق جانە ارنايى دايىندىقتان وتكىزدى. بۇگىن ءفيلمنىڭ ءتۇسىرىلىمى اياقتالدى.
قورىتىندىلاي كەلە، تاعى ءبىر كينوكونسۋلتانت، مايور ريناد ساعيدولدينوۆ ولاردىڭ باستى ماقساتى – ۇلتتىق ۇلاننىڭ ارنايى جاساق قىزمەتىنىڭ پريزماسى ارقىلى قازاقستاننىڭ وسىنداي بارلىق بولىمشەلەرى تۋرالى ايتۋ ەكەنىن اتاپ ءوتتى. كورەرمەندەر كينوتەاتردىڭ ارقاسىندا ارنايى جاساقشىلاردىڭ قايتالانباس اۋراسىن سەزىنە الادى.