كەڭەستىڭ كەزەكتى وتىرىسىندا قالالىق مادەنيەت باسقارماسىنىڭ 9 ايدا اتقارعان جۇمىسى تۋرالى ەسەبى تىڭدالدى، دەپ حابارلايدى اlmaty-akshamy.kz
«الماتى 2050» ستراتەگياسى اياسىندا مادەنيەت سالاسىندا قالا تۇرعىندارىن قالانىڭ مادەني ومىرىنە تارتۋ، تاريح جانە مادەنيەت ەسكەرتكىشتەرىن كۇتىپ-ۇستاۋ جانە قالپىنا كەلتىرۋ جۇمىستارى تۋرالى الماتى قالاسى مادەنيەت باسقارماسى باسشىسىنىڭ ورىنباسارى دانيار الييەۆ بايانداپ بەردى.
جىل سايىن قالادا «ورەn-air» فورماتىندا 160-قا (53 رەسپۋبليكالىق، 55 قالالىق، 6 ۆەدومستۆولىق جانە 52 جەكە مەنشىك ۇيىمدار) جۋىق مادەني نىساندار مەن ۇيىمدار جۇمىلدىرىلا وتىرىپ، 100-گە جۋىق ءىرى يميدجدىك مادەني-بۇقارالىق ءىس-شارالار وتكىزدى.
دانيار الييەۆتىڭ بايانداۋىنشا، Nur Otan پارتياسىنىڭ سايلاۋالدى باعدارلاماسىنىڭ مادەنيەت سالاسى بويىنشا جول كارتاسىنىڭ 10 تارماعى «كىتاپحانالاردى شىعارماشىلىق دامۋ ورتالىقتارىنا اينالدىرۋ ارقىلى تەگىن شىعارماشىلىق ۇيىرمەلەر مەن كوۆوركينگ-ورتالىقتار سانىن ارتتىرۋ» اياسىندا قالالىق كىتاپحانالاردى جاڭعىرتۋ بويىنشا اۋقىمدى جۇمىستار جۇرگىزىلۋدە. وتكەن جىلى قالانىڭ 10 كىتاپحاناسى جاڭعىرتىلىپ، بۇگىنگە كەلۋشىلەردىڭ سانى 1 260 000 ادامدى قۇرادى. جاڭعىرتۋعا دەيىنگى شىعارماشىلىق ۇيىرمەلەردىڭ جالپى سانى 40 بولسا، جاڭعىرتۋدان كەيىن 91 ۇيىرمەگە جەتتى. جالپى ءوسىم 127،5 پايىزعا ارتقاندىعىن اتاپ ءوتتى.
ەل تاۋەلسىزدىگىنىڭ 30 جىلدىعى اياسىندا قالالىق ءىس-شارالار جوسپارىنىڭ نەگىزىندە 18 ءىس-شارا قاراستىرىلعان. بۇگىندە جوسپار بويىنشا ءبىرقاتار عىلىمي-پراكتيكالىق كونفەرەنسيالار مەن دوڭگەلەك ۇستەلدەر، فەستيۆالدار، كورمەلەر، كونسەرتتەر، كەزدەسۋلەر، بايقاۋلار جانە ت.ب. وتكىزىلۋدە.
سونداي-اق تاريحي-مادەني مۇرانى ساقتاۋ جانە ناسيحاتتاۋ باستاماسى اياسىندا مەملەكەتتىك تىزىمدەگى 162 تاريح جانە مادەنيەت ەسكەرتكىشتەرىن پاسپورتتاۋ جانە قالا اۋماعىندا ورنالاسقان ساق داۋىرىنە جاتاتىن ارحەولوگيالىق ەسكەرتكىشتەرگە عىلىمي-زەرتتەۋ جۇمىستارى جۇرگىزىلۋدە.
وسى ورايدا كەڭەس مۇشەلەرى باسقارما وكىلىنە قالاداعى تاريحي عيماراتتاردىڭ كەلبەتىنە نازار اۋدارىپ، ەكى ۇلكەن تاريحي عيماراتتا (قازاقستان-بريتان تەحنيكالىق ۋنيۆەرسيتەتى مەن تۇركيا رەسپۋبليكاسىنىڭ باس كونسۋلدىعى) – تاريحي-مادەني ەسكەرتكىش رەتىندە قازاق زيالىلارىنىڭ مۇراجايىن اشۋ تۋرالى ۇسىنىس ايتتى.