Nur Otan پارتياسى الماتى قالالىق فيليالى ءتوراعاسىنىڭ ورىنباسارى قايرات بيسەمبايەۆتىڭ توراعالىعىمەن «باقىتتى وتباسى» پارتيالىق جوباسىنىڭ جول كارتاسىنداعى «وتباسى مەن بالالارعا قۇقىقتىق قورعاۋدى قامتاماسىز ەتۋ» 2.1 تارماعىنىڭ ورىندالۋى بويىنشا الەۋمەتتىك ءال-اۋقات، ءبىلىم، دەنساۋلىق ساقتاۋ، قۇقىق قورعاۋ ورگاندارى جانە جەدەل ارەكەت ەتۋ توپتارىنىڭ قاتىسۋىمەن وتباسى، ايەلدەر ماسەلەلەرى جانە بالالاردىڭ قۇقىقتارىن قورعاۋ جونىندەگى ايماقتىق قوعامدىق كەڭەسىنىڭ وتىرىسى ءوتتى، دەپ حابارلايدى اlmaty-akshamy.kz
ءىس-شارا بارىسىندا الماتى قالاسىنداعى 8 اۋداندا قۇرىلعان جەدەل ارەكەت ەتۋ توپتارى مودەراتورلارىنىڭ ەسەبى قارالدى. پارتيانىڭ الماتى قالالىق فيليالى ءتوراعاسىنىڭ ورىنباسارى قايرات بيسەمبايەۆ جەدەل ارەكەت ەتۋ توپتارىنىڭ جۇمىسىن ودان ءارى كۇشەيتۋ باعىتىندا ەگجەي-تەگجەيلى ءتۇسىندىرىپ، جۇمىستىڭ ناتيجەسىن كوتەرۋگە بايلانىستى ۇسىنىستار ايتتى.
سونىمەن قاتار، جەدەل ارەكەت ەتۋ توپتارىنىڭ ماقساتىن، مىندەتىن جانە ۇيىمداستىرىلۋ شارالارىن تولىقتاي ءتۇسىندىرىپ ءوتتى. قالادا 2020 جىلدىڭ 26 مامىرىنان باستاپ جالپى 8 نەگىزگى جەدەل ارەكەت ەتۋ توپتارى مەن 102 كىشى توپتارى قۇرىلىپ، جۇمىستارىن جۇرگىزۋدە. وسى توپتاردىڭ جۇمىستارىنىڭ ارقاسىندا زورلىق-زومبىلىققا تاپ بولعان وتباسىلاردىڭ جاعدايلارىن جەدەل انىقتاۋعا جانە ۋاقىتىندا قاجەتتى كومەك كورسەتۋگە مۇمكىندىك تۋدى.
سونداي-اق، وتباسى، ايەلدەر جانە بالالاردىڭ قۇقىقتارىن قورعاۋ ماسەلەلەرى جونىندەگى قوعامدىق كەڭەس مۇشەلەرى، جەرگىلىكتى اتقارۋشى ورگاندار جانە پارتيانىڭ اۋداندىق فيليالدارى بىرلەسە قالاداعى قوسىمشا ءبىلىم بەرۋ مەكەمەلەرىنىڭ بالالارعا قولايلى جاعداي جاساۋى بويىنشا جۇرگىزىلگەن مونيتورينگ جۇمىستارىنىڭ قورىتىندىسى قارالدى.
جالپى، ءبىلىم باسقارماسىنا قاراستى 18 مەملەكەتتىك قوسىمشا ءبىلىم بەرۋ مەكەمەسى بار، وندا قازىرگى ۋاقىتتا 14 899 بالا وقيدى، ونىڭ 925ء-ى حالىقتىڭ الەۋمەتتىك وسال توپتارىنا جاتادى، بۇلار: جەتىم بالالار، مۇمكىندىگى شەكتەۋلى بالالار مەن از قامتىلعاندار. بۇل توپتاعى بارلىق وقۋشىلار تەگىن جانە جەڭىلدەتىلگەن شارتتار بويىنشا ءبىلىم الادى.
كەزدەسۋ سوڭىندا پىكىر الماسىپ، بارلىق تۋىنداعان ماسەلەلەر بويىنشا قاتىسۋشىلارعا تۇسىنىكتەمەلەر بەرىلدى، ۇسىنىستار ايتىلدى.