12 قاراشا - دۇنيەجۇزىلىك پنيەۆمونياعا قارسى كۇرەس كۇنى. ءدال وسى كۇنى دۇنيەجۇزىلىك دەنساۋلىق ساقتاۋ ۇيىمى UNISEF-پەن بىرلەسىپ پنيەۆمونيانىڭ الدىن الۋ جانە وعان قارسى كۇرەستىڭ جاھاندىق ءىس-قيمىل جوسپارىن جاريالادى، دەپ حابارلايدى Almaty-akshamy.kz Inform.kz-كە سىلتەمە جاساپ.
پنيەۆمونيا - دۇنيە جۇزىندە ەرەسەكتەر مەن بالالار ءولىمىنىڭ كوپ تاراعان جۇقپالى سەبەبى.
2019 جىلى 2،5 ميلليون ادام، ونىڭ ىشىندە 672 000 بالا قايتىس بولدى.
قازاقستاندا پنيەۆمونيادان بولاتىن اۋرۋ مەن ءولىم-جىتىم كوروناۆيرۋسقا دەيىنگى كەزەڭمەن سالىستىرعاندا ءوستى.
حالىقتىڭ وسال توپتارىنىڭ قولجەتىمدى ارالاسۋلارمەن قامتىلۋىن جاقسارتۋ ماقساتىندا 2023-2025 جىلدارعا ارنالعان فتيزيوپۋلمونولوگيالىق قىزمەتتى دامىتۋ جونىندەگى جول كارتاسىنىڭ جوباسى ازىرلەندى، ونىڭ شەڭبەرىندە تىنىس الۋ ورگاندارىنىڭ اۋرۋلارى كەزىندە مەديسينالىق كومەكتى حالىققا ۇيىمداستىرۋ، تىنىس الۋ ورگاندارىنىڭ اۋرۋلارى كەزىندە مەديسينالىق كومەكتىڭ قولجەتىمدىلىگى مەن ساپاسىن قامتاماسىز ەتۋ، تىنىس الۋ ورگاندارىنىڭ اۋرۋلارى كەزىندە كومەك كورسەتۋ ءۇشىن، ەمدەۋ-دياگنوستيكالىق پروسەستى جەتىلدىرۋ، ونىڭ ىشىندە مەديسينالىق ۇيىمداردى جاراقتاندىرۋمەن قامتاماسىز ەتۋ، كادرلىق الەۋەتتى دامىتۋ جوسپارلانىپ وتىر.
تۇماۋعا، پنيەۆموكوككقا جانە گەموفيلدى تاياقشاعا قارسى ۆاكسيناسيا دا - پنيەۆمونيانىڭ دامۋىنا جول بەرمەۋدىڭ ءتيىمدى ادىستەرىنىڭ ءبىرى.
اتاپ ايتقاندا، پنيەۆمونيا بارلىق جاستاعى ادامدارعا اسەر ەتەدى، ءبىراق اسىرەسە اعا بۋىنعا، يممۋن تاپشىلىعى بار ادامدارعا جانە 5 جاسقا دەيىنگى بالالارعا ءقاۋىپتى، ويتكەنى ءدال وسى توپتاردىڭ يممۋنيتەتى السىرەگەن نەمەسە ءالى جەتىلمەگەن بولىپ كەلەدى.
اعزالاردى ترانسپلانتاسيالاۋ نەمەسە حيميوتەراپيا كۋرسىن جۇرگىزۋ سالدارىنان يممۋندىق جۇيەسى السىرەگەن ادامدار، سونداي-اق جامان ادەتى بارلار پنيەۆمونيامەن اۋىرۋعا بەيىم.
جۇكتى ايەلدەر دە ومىرگە ءقاۋىپ توندىرەتىن پنيەۆمونيانىڭ دامۋ قاۋپىنە ۇشىراۋى مۇمكىن.
پنيەۆمونيانىڭ دامۋىنىڭ ءقاۋىپ فاكتورلارىنىڭ ىشىندە ادامدا برونح دەمىكپەسى، قانت ديابەتى جانە سوزىلمالى وبسترۋكتيۆتى وكپە ىلەسپە اۋرۋى بار.
«ءوزىڭىزدى تۇماۋدان جانە ونىڭ اسقىنۋلارىنان (پنيەۆمونيا) قورعاۋ ءۇشىن تۇماۋعا قارسى ەكپە الۋ، ادامدار كوپ جينالاتىن جەرلەردە جانە قوعامدىق كولىكتە بولۋ ۋاقىتىن قىسقارتۋ، ادام كوپ جينالاتىن جەرلەردە ماسكا مەن قولعاپ كيۋ، رەسپيراتورلىق اۋرۋدىڭ بەلگىلەرى بار ادامدارمەن تىعىز بايلانىستا بولۋدان اۋلاق بولۋ قاجەت» دەپ ەسكەرتەدى دەنساۋلىق ساقتاۋ مينيسترلىگى.
سونداي-اق، كوشە مەن قوعامدىق كولىكتەن كەيىن قولىڭىزدى سابىنمەن ۇنەمى جۋىپ وتىرۋ كەرەك، تۇرعان بولمەنى جەلدەتىپ، ىلعالدى تازالاۋدى جۇرگىزۋ قاجەت.
گەموفيلدى، پنيەۆموكوككتى ينفەكسياعا، قىزىلشاعا جانە كوكجوتەلگە قارسى يممۋنداۋ - پنيەۆمونيانىڭ الدىن الۋدىڭ ءتيىمدى ءادىسى.