بوكستان قازاقستان ايەلدەر قۇراماسى يوردانيادا ءوتىپ جاتقان ازيا چەمپيوناتىندا جالپى مەدالدىق ەسەپتە ەكىنشى ورىنعا يە بولدى. بۇل تۋرالى Almaty-akshamy.kz Inbusiness.kz-كە سىلتەمە جاساپ حابارلايدى.
فينالدا بارلىعى ون كوماندا ونەر كورسەتتى. قازاقستاننان ايەلدەر اراسىندا الۋا بالقىبەكوۆا (48 كەلىگە دەيىن)، جاينا شەكەربەكوۆا (54 كەلىگە دەيىن) جانە كارينا يبراگيموۆا (57 كەلىگە دەيىن) قۇرلىقتىق دودانىڭ التىن جۇلدەگەرلەرى اتاندى. التىن ءۇشىن تالاستا ءتورت سپورتشىمەن ونەر كورسەتكەن قازاقستاننىڭ باستى باسەكەلەسى بەس ءفيناليستى بار ءۇندىستان بولدى. سونداي-اق فينالدا وزبەكستان، كورەيا جانە تايلاند قۇرامالارىنان ەكى سپورتشىدان ونەر كورسەتتى. ال فينالدىق كەزدەسۋلەردە جاپونيا قۇراماسىنىڭ جولى بولمادى. ولار بەس فيناليستپەن ءبىر عانا التىن الدى.
جالپى جەڭىس ءۇشىن شەشۋشى جەكپە-جەك 81 كەلىگە دەيىنگى سالماقتاعى فينالدىق كەزدەسۋ بولدى. گۇلسايا ەرجان ءۇندىستاندىق ساۆيتيمەن قولعاپ تۇيىستىرگەنىمەن، قارسىلاسىنا ۇپاي سانى بويىنشا جەڭىلىپ قالدى. ناتيجەسىندە ول جارىستىڭ كۇمىس جۇلدەگەرى (81 كەلى) اتانسا، ال نازىم قىزايباي (50 كەلى)، جازيرا وراقبايەۆا (52 كەلى)، ءمادينا نۇرشايەۆا (66 كەلى)، داريعا شاكىموۆا (70 كەلى) جانە ءلاززات كۇنگەيبايەۆا (+ 81 كەلى) قولا جۇلدەنى قاناعات تۇتتى.
ايەلدەر اراسىندا وتكەن 2022 جىلعى ازيا چەمپيوناتىنىڭ فينالىنان كەيىنگى مەدالدار كەستەسى.
1. ءۇندىستان – ءتورت التىن، ءبىر كۇمىس، ەكى قولا
2. قازاقستان – ءۇش التىن، ءبىر كۇمىس، بەس قولا
3. جاپونيا – ءبىر التىن جانە ءتورت كۇمىس
4. كورەيا مەن وزبەكستان – ءبىر التىن، ءبىر كۇمىس
5. وزبەكستان – ءبىر التىن، ءبىر كۇمىس، ءبىر قولا
6. تايۆان - ءبىر التىن، ەكى قولا
7. ۆەتنام – ءبىر التىن
8. تايلاند – ەكى كۇمىس، ءبىر قولا
9. موڭعوليا - ءبىر كۇمىس، 4 قولا
10. يوردانيا - ءبىر كۇمىس، 1 قولا
ايتا كەتەيىك، بۇگىن 12 قاراشادا ەرلەر قۇراماسى التىن ءۇشىن جەكپە-جەك وتكىزەدى. ەرلەر قۇراماسىنىڭ بىردەن توعىز وكىلى ءتۋرنيردىڭ التىنى ءۇشىن تالاسادى. ولاردىڭ بەسەۋىنىڭ قارسىلاستارى وزبەكستان قۇراماسىنىڭ وكىلدەرى.
48 كگ. سانجار تاشكەنباي (قازاقستان) - اراتاكە كادزۋما (جاپونيا)
51 كگ. ساكەن بيبوسىنوۆ (قازاقستان) - حاسانبوي دۋسماتوۆ (وزبەكستان)
54 كگ. ماحمۋد سابىرحان (قازاقستان) - كارلو پاالام (فيليپپين)
57 كگ. سەرىك تەمىرجانوۆ (قازاقستان) - ابدۋماليك حالوكوۆ (وزبەكستان)
67 كگ. دۋلات بەكباۋوۆ (قازاقستان) - بۋندجونگ سينسيري (تايلاند)
71 كگ. اسلانبەك شىمبەرگەنوۆ (قازاقستان) - زەياد يشايش (يوردانيا)
75 كگ. نۇرقانات رايىس (قازاقستان) - سايدجامشيد دجافاروۆ (وزبەكستان)
92 كگ. ايبەك ورالباي (قازاقستان) - ماديار سايدراحيموۆ (وزبەكستان)
+92 كگ. قامشىبەك قوڭقابايەۆ (قازاقستان) - لازيزبەك مۋللاجونوۆ (وزبەكستان)