قازاقستان اۋىل شارۋاشىلىعى مينيسترلىگى ەلدەن قوي مەن ەشكىنى سىرتقا شىعارۋعا قويىلعان شەكتەۋلەردى ۇزارتاتىن بۇيرىق جوباسىن ازىرلەدى، دەپ حابارلايدى Aqshamnews.kz ءتىلشىسى «اشىق نقا» پورتالىنا سىلتەمە جاساپ.
جوباعا سايكەس، ساندىق شەكتەۋلەر (كۆوتالار) ەۋرازيالىق ەكونوميكالىق وداق ەلدەرىنە دە، ءۇشىنشى مەملەكەتتەرگە دە قولدانىلماق. قۇجاتتا قازاقستان اۋماعىنان ءتىرى قوي‑ەشكىنى، سونىڭ ىشىندە 4 ايدان اسقان قوزىلاردى 120 مىڭ باسقا دەيىن ەكسپورتتاۋعا 6 اي مەرزىمگە كۆوتا ەنگىزۋ قاراستىرىلعان.
مينيسترلىك بۇل شارا وتاندىق تاۋار وندىرۋشىلەردىڭ مۇددەلەرىن قورعاۋعا جانە وڭدەۋگە قاجەتتى شيكىزاتتىڭ تۇراقتى جەتكىزىلىمىن قامتاماسىز ەتۋگە باعىتتالعانىن ءتۇسىندىردى. تۇسىندىرمە جازبادا قۇجاتتىڭ ماقساتى - ەلدىڭ ازىق‑تۇلىك قاۋىپسىزدىگىن نىعايتۋ جانە وتاندىق وڭدەۋ كاسىپورىندارىنىڭ جۇكتەمەسىن ارتتىرۋ ەكەنى اتاپ وتىلگەن.