الماتى قالاسى قوعامدىق دەنساۋلىق ساقتاۋ باسقارماسىندا باسقارما باسشىسى مارات پاشيموۆتىڭ توراعالىعىمەن مەديسينالىق ۇيىمدار، سانيتارلىق-ەپيدەميولوگيالىق باقىلاۋ دەپارتامەنتى، الماتى قالاسى الەۋمەتتىك مەديسينالىق ساقتاندىرۋ قورى وكىلدەرىنىڭ جانە شتاتتان تىس ماماندارى قاتىسقان جۇمىس كەڭەسى ءوتتى.
كەزدەسۋگە 2025 جىلى 9 اي ىشىندە حالىقتى ۆاكسيناسيالاۋ قورىتىندىسى، بالالار اراسىندا ينفەكسيالىق سىرقاتتانۋشىلىق دەڭگەيىنىڭ ارتۋى، سونداي-اق قالاداعى زەرتحانانىڭ قىزمەتىن جەتىلدىرۋ ماسەلەلەرى وزەك بولدى.
الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا 9 ايدىڭ قورىتىندىسى بويىنشا بالالار مەن جاسوسپىرىمدەردى جوسپارلى جانە ەپيدەميولوگيالىق ۆاكسيناسيامەن قامتۋدى ارتتىرۋ دەڭگەيىنىڭ ساقتالاتىنىن اتاپ ءوتتى.
ونىڭ ايتۋىنشا، حالىقتى ۆاكسيناسيالاۋعا شاقىرۋ بويىنشا جۇمىستى كۇشەيتۋ جانە جەكە كلينيكالارمەن بەلسەندى ءوزارا ءىس-قيمىل جاساۋ قاجەت، ولاردىڭ كوپشىلىگى تمككك شەڭبەرىندە ۆاكسيناسيالاۋ بويىنشا مىندەتتەمەلەردى ءالى تولىق كولەمدە ورىندامايدى.
ادام پاپيللوماۆيرۋسىنا (اپۆ) قارسى ۆاكسيناسياعا ەرەكشە نازار اۋدارىلادى.
مارات پاشيموۆ پەن اسەل قالىقوۆانىڭ پىكىرىنشە، قىزدار اراسىندا اپۆ-عا قارسى ۆاكسيناسيامەن قامتۋدى كەڭەيتۋ ءۇشىن ءبىلىم باسقارماسى قاتىساتىن ۆەدومستۆوارالىق ءوزارا ءىس-قيمىلدى جانە ءاقپاراتتىق-تۇسىندىرۋ جۇمىستارىن كۇشەيتۋ قاجەت.
قوعامدىق دەنساۋلىق ساقتاۋ باسقارماسىنىڭ باسشىسى مارات پاشيموۆ جوسپارلى باعىتتار مەن ەپيدەميولوگيالىق كورسەتكىشتەر بويىنشا دا ۆاكسيناسيا كورسەتكىشتەرىن جاقسارتۋ ماڭىزدى ەكەنىن اتاپ ءوتتى.
الماتى قالاسىنىڭ الەۋمەتتىك مەديسينالىق ساقتاندىرۋ قورىنىڭ وكىلى قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2025 جىلى 1 قازانداعى № 103 بۇيرىعىمەن بەلگىلەنگەن جاڭا تالاپتار بويىنشا تۇسىنىكتەمە بەردى. قۇجات ءبىرقاتار نورماتيۆتىك اكتىگە وزگەرىستەر ەنگىزەدى جانە مەديسينالىق كومەكتى قارجىلاندىرۋدىڭ جاڭا تەتىكتەرىن كوزدەيدى.
قالالىق بالالار كلينيكالىق جۇقپالى اۋرۋلار اۋرۋحاناسىنىڭ ديرەكتورى ەرجان سەراليننىڭ ايتۋىنشا، 2025 جىلى 9 اي ىشىندە جەلشەشەكپەن سىرقاتتانۋشىلىقتىڭ 38،8%-عا ارتقانى بايقالعان.
وسى كەزەڭدە قالادا ءارتۇرلى دارەجەدەگى بالالاردى اۋرۋحاناعا جاتقىزۋدىڭ 183 جاعدايى تىركەلدى. كۇردەلى فورمالار سانىنىڭ ارتۋى وتكەن جىلمەن سالىستىرعاندا 40،9% بولدى، ونىڭ ىشىندە ورتالىق جۇيكە جۇيەسى مەن تىنىس الۋ جولدارىنىڭ زاقىمدانۋى كوبەيگەن.
اسىرەسە، ەڭ كوپ ناۋقاستار مەكتەپكە دەيىنگى جانە باستاۋىش مەكتەپ جاسىنداعى بالالار اراسىندا –61،7%. ۆاريكەللاعا قارسى ۆاكسيناسيا ۇلتتىق ەگۋ كۇنتىزبەسىندە بولماعاندىقتان، تابىنعا قارسى يممۋنيتەتتىڭ قالىپتاسۋى تەك اۋرۋدىڭ سالدارىنان بولادى.
ەرجان سەرالين 1-14 قازان ارالىعىندا جانساقتاۋ مەن قارقىندى تەراپيا بولىمىنە 14 بالا تۇسكەنىن اتاپ ءوتتى، ونىڭ ىشىندە ەكى جاقتى پوليسەگمەنتتى پنيەۆمونيا، جەدەل ىشەك ينفەكسياسى، كونۆۋلسيالىق سيندروم جانە جەدەل تىنىس الۋ جەتكىلىكسىزدىگى بار. ونىڭ ايتۋىنشا، پاسيەنتتەردىڭ ءبىر بولىگى كەش مەديسينالىق كومەككە جۇگىنۋ سالدارىنان اۋىر جاعدايدا كەلەدى – كەيبىر اتا-انالار اۋرۋدىڭ 8-10-شى كۇنى كەلەدى، بۇل ەمدەۋ پروسەسىن قيىنداتادى.
جرۆي مەن تۇماۋدىڭ ەپيدەميولوگيالىق ماۋسىمى باستالعاننان بەرى ەرەسەك تۇرعىنداردىڭ اينالىمىنا مونيتورينگتى ي.جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ ديرەكتورى ايگۇل ءابدىراحمانوۆا ۇسىندى.
باسقارمانىڭ كلينيكالىق زەرتحانالىق دياگنوستيكا جونىندەگى باس شتاتتان تىس مامانى اقمارال مايماقوۆا مەديسينالىق ۇيىمداردىڭ زەرتحانالىق قىزمەتىن تەكسەرۋ قورىتىندىسىن ۇسىندى. باسقارما باسشىسى مارات پاشيموۆ زەرتحانالىق زەرتتەۋلەردىڭ ساپاسى دياگنوستيكانىڭ دالدىگى مەن ەمدەۋدىڭ تيىمدىلىگىنە تىكەلەي اسەر ەتەتىنىن اتاپ ءوتىپ، وسى سالانى رەتكە كەلتىرۋدى تاپسىردى.
كەڭەس بارىسىندا مەديسينالىق ۇيىمداردىڭ اۋماقتارىن اباتتاندىرۋ، «تازا قازاقستان» اكسياسىنا قاتىسۋ، اعاش وتىرعىزۋ جانە رەسپۋبليكا كۇنىن مەرەكەلەۋگە دايىندىق ماسەلەلەرى تالقىلاندى.
مارات پاشيموۆ سانيتارلىق ءتارتىپتى قامتاماسىز ەتۋ، پروفيلاكتيكالىق باعىتتى دامىتۋ جانە مەديسينالىق قىزمەتتەردىڭ ساپاسىن ارتتىرۋ قالالىق دەنساۋلىق ساقتاۋ جۇيەسىنىڭ باسىم مىندەتتەرى بولىپ قالا بەرەتىنىن جەتكىزدى.