قازاقستاننىڭ تۇڭعىش پرەزيدەنتىنىڭ باسپا ءسوز حاتشىسى ايدوس ۇكىباي كەيىنگى كۇندەرى تاراعان جالعان اقپاراتتارعا بايلانىستى مالىمدەمە جاسادى، دەپ حابارلايدى Aqshamnews.kz ءتىلشىسى.
ۇكىبايدىڭ ايتۋىنشا، كەيبىر ب ا ق پەن الەۋمەتتىك جەلىلەردە سارا الپىس قىزى نازاربايەۆانىڭ دەنساۋلىق جاعدايى مەن ورنالاسقان جەرىنە قاتىستى شىندىققا جاناسپايتىن مالىمەتتەر تاراعان. ول سارا نازاربايەۆانىڭ ءساۋىر ايىنان بەرى الماتىداعى ق ر پرەزيدەنتى ءىس باسقارماسى مەديسينالىق ورتالىعىنىڭ ۇلتتىق گوسپيتالىندە ەم قابىلداپ جاتقانىن، بارلىق مەديسينالىق شارالاردىڭ بەكىتىلگەن ستاندارتتارعا ساي ءارى وتاندىق مامانداردىڭ باقىلاۋىمەن جۇرگىزىلىپ جاتقانىن جەتكىزدى.
باسپا ءسوز حاتشىسى جۇرتشىلىقتى تەك رەسمي دەرەككوزدەرگە جۇگىنۋگە، سونداي-اق سارا الپىس قىزىنىڭ ەسىمىن راستالماعان اقپارات پەن الىپقاشپا اڭگىمەلەر ارقىلى نازار اۋدارتۋ ءۇشىن پايدالانباۋعا شاقىردى.
ەسكە سالايىق، 5 مامىردا الەۋمەتتىك جەلىلەر مەن ءبىرقاتار باق-تا سارا نازاربايەۆانىڭ اۋىر جاعدايدا جاتقانى تۋرالى حابار تاراعان ەدى. سول ۋاقىتتا دا مەديسينالىق ورتالىق ونىڭ گوسپيتالدە ەم الىپ جاتقانىن راستاپ، دەنساۋلىق جاعدايىنا قاتىستى اقپاراتتىڭ قۇپيا ەكەنىن مالىمدەگەن بولاتىن.