باسپانا الاتىن ازامات 20 پايىز العاشقى جارنا تولەۋى ءتيىس
ەلىمىزدە تاياۋدا ىسكە قوسىلۋى مۇمكىن جاڭا يپوتەكالىق باعدارلامانىڭ شارتتارى ۇسىنىلدى. ونىڭ ەرەجەلەرى اشىق تالقىعا شىعارىلعان يندۋستريا جانە ينفروقۇرىلىمدىق دامۋ مينيسترلىگىنىڭ بۇيرىعىندا كورسەتىلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۇسىنىلىپ وتىرعان يپوتەكالىق باعدارلامانىڭ جىلدىق مولشەرلەمەسى 11،5 پايىز كولەمىندە بەكىتىلمەك. اتالعان باعدارلاما ارقىلى باسپانا الاتىن ازامات 20 پايىز العاشقى جارنا تولەۋى ءتيىس.
«استانا جانە الماتى قالالارىندا تۇرعىن ءۇي ساتىپ الۋ كەزىندە سۋبسيديالاۋعا جاتاتىن يپوتەكالىق تۇرعىن ءۇي قارىزىنىڭ ەڭ جوعارى سوماسى - 35 ملن تەڭگەگە دەيىن بەكىتىلەدى. ال اقتاۋ، اتىراۋ جانە شىمكەنت قالالارىندا - 25 ملن، قاراعاندى قالاسىندا - 20 ملن جانە باسقا وڭىرلەردە -15 ملن تەڭگەگە دەيىن قاراجات ۇسىنىلادى»، - دەلىنگەن بۇيرىقتا.
قارجى ورتالىق مەملەكەتتىك ورگانداردا تىركەلگەن، ليسەنزياسى بار ەكىنشى دەڭگەيلى بانكتەر ارقىلى بەرىلەدى. يپوتەكانىڭ ەڭ ۇزاق مەرزىمى - 10 جىل.