بوكستان ازيا چەمپيوناتى: بۇگىن ءتورت بوكسشىمىز ب ا ق سىنايدى

قۇرلىقتىق دودا 1 قاراشادا جالاۋىن كوتەردى

يوردانيا استاناسى – اممان قالاسىندا ءوتىپ جاتقان بوكستان ازيا چەمپيوناتىندا قازاقستاندىق سپورتشىلار العاشقى جەكپە-جەگىن وتكىزەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

ايتا كەتسەك، قۇرلىقتىق دودا 1 قاراشادا جالاۋىن كوتەردى. العاشقى جارىس كۇنىندە ەل قۇراماسىنان ەشكىم شارشى الاڭعا شىققان جوق.

2 قاراشادا ءتورت بوكسشىمىز ب ا ق سىنايدى.

الدىمەن 51 كەلىدە ساكەن بيبوسىنوۆ ءۇندىستاندىق سپارش كۋمارمەن قولعاپ تۇيىستىرسە، 57 كەلىدە سەرىك تەمىرجانوۆ تۇرىكمەنستاندىق يحلاز گىلىچجانوۆپەن كەزدەسەدى.

بۇل كۇنگى تاعى ءبىر جەكپە-جەك 63،5 كەلىدە ءساناتالي تولتايەۆ پەن وزبەكستاندىق رۋسلان ابدۋللايەۆ اراسىندا وتەدى.

ال قىزدار اراسىندا 50 كەلىدە نازىم قىزايباي تايلاندتىق راكسات چۋتحاماتپەن ايقاسادى.
جالپى قۇرلىقتىق دودادا ەرلەر – 13، ايەلدەر 12 سالماقتا سىنعا تۇسەدى.

قازاقستاننىڭ ەرلەر قۇراماسى ساپىندا كىمدەر ويىن كورسەتەتىنىن بۇعان دەيىن جازعان بولاتىنبىز.
سونداي-اق ەل نامىسىن قورعايتىن ق ر ايەلدەر قۇراماسىنىڭ ءتىزىمى جاريالاندى.

ازيا چەمپيوناتى 13 قاراشاعا دەيىن جالعاسادى.