باكاد-تى سالۋ جۇمىستارى 2018 جىلدىڭ مامىر ايىندا باستالعان بولاتىن
ۇلكەن الماتى اينالما جولىنىڭ قۇرىلىسى بۇگىنگى كۇنى 95%-عا اياقتالدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ اۆتوموبيل جولدارى كوميتەتى ءمالىم ەتتى، دەپ حابارلايدى Almaty-akshamy.kz.
ۆەدومستۆونىڭ مالىمەتىنە سايكەس، قازىرگى تاڭدا اسفالتبەتون جابىنىن ورناتۋ جۇمىستارى اياقتالعان.
«ءقازىر اباتتاندىرۋ جۇمىسى ءجۇرىپ جاتىر. باكاد-تىڭ قۇرىلىسى ۋاقىتىنان بۇرىن جاسالۋدا. جول سالۋ جۇمىسىن اياقتاۋ مەرزىمى بيىلعى جىلدىڭ سوڭىنا دەيىن جوسپارلاندى. جوبا تولىعىمەن 2023 جىلى اياقتالادى»،-دەپ حابارلادى اۆتوموبيل جولدارى كوميتەتىنىڭ باسپا ءسوز قىزمەتى.
ۇلكەن الماتى اينالما جولىنىڭ جالپى ۇزىندىعى - 66 شاقىرىم (ءبىرىنشى سانات، 6 جولاق).
جوبانى تۇرىك-كورەي كونسورسيۋمى جۇزەگە اسىرىپ جاتىر.
ەسكە سالساق، باكاد-تى سالۋ جۇمىستارى 2018 جىلدىڭ مامىر ايىندا باستالعان بولاتىن.
ايتا كەتەيىك، باكاد - قازاقستان تاريحىنداعى ءىرى ينفراقۇرىلىمدىق جوبانىڭ ءبىرى.
ونىڭ قۇرىلىس جۇمىستارى تولىق بىتكەن كەزدە، الماتى وبلىسىنىڭ ەكونوميكاسىنا سەرپىن بەرمەك، سەبەبى، شامامەن 300 ملرد تەڭگە ينۆەستيسيا تارتىلادى.
بۇل شاعىن جانە ورتا بيزنەسكە مۋلتيپليكاتيۆتى اسەر ەتەتىن بولادى.
ياعني، جول بويىنداعى سەرۆيس، ونداعى كولىك-لوگيستيكالىق تەرمينالداردىڭ دامىپ، ونەركاسىپتىك كاسىپورىنداردىڭ نارىققا قولجەتىمدىلىگى ارتپاق.