مينيسترلەردىڭ وڭىرلەرگە باراتىن كەستەسى جاريالاندى

قازاقستاندىق مينيسترلەر حالىقپەن كەزدەسۋ ءۇشىن وڭىرلەردى ارالايدى. ولاردىڭ جۇمىس كەستەسى دە جاريا بولدى، دەپ حابارلايدى اlmaty-akshamy.kz. 

كەستە 2024 جىلدىڭ ەكىنشى جارتىسىنا ارنالعان. ساپارلار ەكى كەزەڭمەن: 3ء-شى توقسان جانە 4ء-شى توقساندا وتەدى.

ماسەلەن، جىل سوڭىنا دەيىن اۋىل شارۋاشىلىعى ءمينيسترى ايداربەك ساپاروۆ 9 وڭىرگە بارادى. ولاردىڭ قاتارىندا اقتوبە، اباي، قاراعاندى، ۇلىتاۋ، اتىراۋ، ماڭعىستاۋ، شىعىس قازاقستان وبلىستارى، الماتى مەن استانا قالالارى بار.

عىلىم جانە ءبىلىم ءمينيسترى ساياسات نۇربەك اقتوبە، جامبىل، الماتى، باتىس قازاقستان وبلىستارى مەن شىمكەنت قالاسىن ارالايدى، – دەلىنگەن قۇجاتتا.

دەنساۋلىق ساقتاۋ ءمينيسترى اقمارال ءالنازاروۆا جامبىل، الماتى ، جەتىسۋ، ماڭعىستاۋ، اقمولا، شىعىس قازاقستان، سولتۇستىك قازاقستان وبلىستارىنا، شىمكەنت پەن الماتى قالالارىنا بارادى.

ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا اباي، جەتىسۋ، الماتى، اقمولا، ۇلىتاۋ، قاراعاندى، اتىراۋ، اقتوبە وبلىستارىن ارالايدى. 

باسقا ورتالىق ورگان باسشىلارىنىڭ ساپار كەستەسىمەن مىنا سىلتەمە ارقىلى تولىق تانىسا الاسىزدار.