قىزىلشاعا قارسى ۆاكسينا ءقاۋىپسىز.
بۇل تۋرالى دەنساۋلىق ساقتاۋ ءمينيسترى اجار عينيات ءمالىم ەتتى، دەپ حابارلايدى Almaty-akshamy.kz.
«جالپى، حالىق تاراپىنان سەنىم بار. 10 ايدىڭ ىشىندە جوسپارلى ۆاكسيناسيالاۋعا كەلمەگەندەردىڭ پايىزى از، 10 پايىز عانا. ولار شىندىعىنا كەلگەندە انتيۆاكسەرلەر دەپ اتالاتىن كەيبىر ساراپشىلارعا قۇلاق اساتىن ادامدار. ءدىني نانىم-سەنىمىنە بايلانىستى باس تارتاتىن ادامدار دا كەزدەسەدى»، - دەدى مينيستر ورتالىق كوممۋنيكاسيالار قىزمەتىندەگى بريفينگتە.
ونىڭ اتاپ وتۋىنشە، قازىرگى ۋاقىتتا ەلىمىزدە كىشكەنتاي بالالاردىڭ اراسىندا قىزىلشا ءورشىپ تۇر. سوندىقتان مينيسترلىك حالىق اراسىندا ءتۇسىندىرۋ جۇمىسىن كۇشەيتىپ وتىر.
«بۇل جۇمىستى وزىمنەن باستادىم. ۆاكسينا ءقاۋىپسىز، ءتيىمدى، وعان سەنۋگە بولاتىنىن ۇلگى رەتىندە كورسەتۋ ءۇشىن 5 جاستاعى نەمەرەمدى ەمحاناعا اپارىپ، ۆاكسينا سالدىردىم»، - دەدى اجار عينيات.