«ۆيرتۋالدى ينفورماتيكا ءمۇعالىمى» جوباسى ىسكە اسىرىلماق
ۇلتتىق جوبالار اياسىندا 50 وڭىرلىك وقۋ ورنىنىڭ IT-فاكۋلتەتتەرى بەيىندى IT-ۋنيۆەرسيتەتتەرگە نەمەسە قالىپتاسىپ ۇلگەرگەن IT-كومپانيالاردىڭ قامقورلىعىنا بەرىلەدى. بۇل تۋرالى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ايتىپ بەردى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«ءبارىمىز جاقسى ءتۇسىنىپ وتىرمىز، ءقازىر IT سالاسى ءۇشىن جوو-لار دايارلايتىن مامانداردىڭ دەڭگەيى اسا جوعارى ەمەس – ياعني جوو-لار ساپاسى تومەن مامانداردى بەرىپ وتىر. بۇل دا ءبىزدىڭ ورتاق پروبلەمامىز. سوندىقتان ءبىز ءبىلىم جانە عىلىم مينيسترلىگىمەن بىرلەسىپ، 50 وڭىرلىك جوو-نىڭ IT-فاكۋلتەتتەرىن بەيىندى IT-ۋنيۆەرسيتەتتەرگە نەمەسە قالىپتاسىپ ۇلگەرگەن IT-كومپانيالاردىڭ قامقورلىعىنا بەرۋ جۇمىستارىن جۇرگىزەتىن بولامىز»، - دەدى مينيستر ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە مينيستر IT ستارتاپشىلار ءۇشىن «رەتتەۋشى ورتانىڭ» بولۋى ماڭىزدى ەكەنىن جەتكىزدى.
«مىسالى، ستارتاپشى پيسسانى درونمەن جەتكىزگىسى كەلسە، بۇل ءۇشىن ەلىمىزدە زاڭناما بازاسى جوق. نەمەسە بىرەۋ اۆتونومدى كولىكتى ەش جۇرگىزۋشىسىز سىناپ كورگىسى كەلەدى. وعان دا قازاقستاندا زاڭناما نەگىزى جوق. مۇنداي تەحنولوگيالاردى سىناقتان وتكىزۋ ءۇشىن بەلگىلى ءبىر اۋماقتا «رەتتەۋشى ورتا» قۇرۋ قاجەت. سول اۋماقتا مۇنداي جاڭا تەحنولوگيالاردى قولدانۋعا بولادى جانە ستارتاپتار ءوز جاڭالىقتارىمەن جۇمىس ىستەي الادى»، - دەپ ءتۇسىندىردى ب. مۋسين.
ايتا كەتەيىك، مەملەكەت باسشىسىنىڭ جولداۋى اياسىندا «سيفرلاندىرۋ، عىلام جانە يننوۆاسيالار ەسەبىنەن تەحنولوگيالىق سەرپىلىس» ۇلتتىق جوباسى ازىرلەنىپ، بەكىتىلدى. ۇلتتىق جوبا 10 باعىتتان، 226 تاپسىرمادان، 44 كورسەتكىشتەن جانە 211 ءىس-شارادان تۇرادى، ولاردى ىسكە اسىرۋ 2025 جىلعا دەيىن جوسپارلانعان. ۇلتتىق جوبا اياسىندا حالىققا قىزمەت كورسەتۋ ورتالىقتارى دا سيفرلىق جانە بەينەقىزمەتتەرىن ىسكە قوسادى. قازاقستاننىڭ بارلىق بالالارى ينفورماتيكا جانە باعدارلامالاۋ بويىنشا ساپالى ءبىلىم الۋى ءۇشىن «ۆيرتۋالدى ينفورماتيكا ءمۇعالىمى» جوباسى ىسكە اسىرىلماق.
سونىمەن بىرگە، ۇلتتىق جوبالار اياسىندا حالىققا IT داعدىلارىن تەگىن ۇيرەتەتىن 20 يننوۆاسيالىق مەكتەپ اشىلادى.