قالالىق ءماسليحات دەپۋتاتتارى تۇرعىندار ماسەلەلەرىمەن تانىستى
الماتى قالاسى ءماسليحاتىنىڭ دەپۋتاتتارى التىناي كوبەيەۆا، اسقات قاباشيەۆ، ەرالى ساۋرانبايەۆ جانە اسيا اقانوۆا نازاربايەۆ داڭعىلى، 229، 231 جانە 235 تۇرعىن ۇيلەردىڭ تۇرعىندارىمەن جازباشا ءوتىنىش نەگىزىندە وسي قۇرۋ جانە ۇيىمداستىرۋ ماسەلەسى بويىنشا كەزدەستى، دەپ حابارلايدى Almaty-akshamy.kz
تۇرعىن ءۇي كەشەنىنىڭ تۇرعىندارى اباتتاندىرۋ، اۋدان بويىنشا جايلى ءجۇرىپ-تۇرۋ ءۇشىن وتكەلدى جوبالاۋ، سونداي-اق ەلەكترمەن جانە سۋمەن جابدىقتاۋ ماسەلەلەرى بويىنشا جۇگىندى.
كەزدەسۋ قورىتىندىسى بويىنشا تۇرعىنداردان قۇرالعان باستاماشىل توپ ينۆەستورمەن/قۇرىلىس سالۋشىمەن جانە اتالعان اۋداندى اباتتاندىرۋشىمەن تالقىلادى. الماتى قالاسى ءماسليحاتىنىڭ دەپۋتاتتارىمەن وسى كەلىسىمنىڭ ورىندالۋىن باقىلاۋ تۋرالى كەلىسىمگە كەلدى.
بۇدان باسقا، نازاربايەۆ-گاندي-قوزىبايەۆ-ال-فارابي كوشەلەرىنىڭ ورامىنداعى اۋداندى بايلانىستىرۋ ءۇشىن «جەر-انا» تك قۇرىلىس سالۋشىسى وتكەلدى جوبالاۋ بويىنشا تۇرعىنداردىڭ ۇسىنىستارىن بىرلەسىپ قاراۋ جانە تالقىلاۋ ءوتتى.