كۇندىزگى ساۋدا
قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى 2،11 تەڭگەگە تومەندەپ، 445،01 تەڭگە بولعانىن مالىمدەدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
ەۋرو، يۋان جانە رۋبل بويىنشا ساۋدا بولعان جوق. ۇلتتىق بانك ەۋرو باعامىن - 487،84 تەڭگە، يۋان باعامىن - 65،05 تەڭگە، رۋبل باعامىن - 5،54 تەڭگە دەپ بەلگىلەدى.
اقشا ايىرباستاۋ ورىندارىندا دوللار 445-450 تەڭگە، ەۋرو 485-491 تەڭگە، رەسەي ءرۋبلى 5،4-5،7 تەڭگە ارالىعىندا ساتىلىپ جاتىر.
مۇناي باعاسى وپەك+ شەشىمىنە بايلانىستى ءسال ءوستى. وسى اپتادا Brent ماركالى مۇناي باررەلىنىڭ قۇنى وپەك+ ەلدەرىنىڭ «قارا التىن» ءوندىرىسىن قىسقارتۋ تۋرالى حابارلامالارى اياسىندا 86 دوللاردان استى.