بۇل تۋرالى دەنساۋلىق ساقتاۋ ءمينيسترى اجار عينيات بۇگىن وتكەن ۇكىمەت وتىرىسىندا مالىمدەدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
بىرىنشىدەن، حالىقتىڭ سالاۋاتتى ءومىر سالتىن ۇستانۋىنىڭ تومەندىگى. تەمەكى شەگۋ، دۇرىس تاماقتانباۋ سياقتى ءقاۋىپ فاكتورلارى وبىردىڭ بەلگىلى ءبىر تۇرلەرىنىڭ دامۋىنا اسەر ەتەدى. حالىقتىڭ ءبىر بولىگى تۇرعىلىقتى جەرى بويىنشا ەمحانالاردا ونكوسكرينينگتەن وتۋگە بارمايدى، بۇل سكرينينگتەر وبىردى ەرتە دياگنوستيكالاۋ جانە ىسىك الدى اۋرۋلارىن انىقتاۋ ءۇشىن وتە ماڭىزدى. ونكولوگيالىق اۋرۋلاردىڭ دامۋىندا ەكولوگيانىڭ اسەرى دە كوپ. وسىعان بايلانىستى قورشاعان ورتانى قورعاۋ جانە ەڭبەك جاعدايلارىنىڭ قاۋىپسىزدىگى جونىندەگى شارالاردى كۇشەيتۋ تالاپ ەتىلەدى، - دەپ اتاپ ءوتتى ۆەدومستۆو باسشىسى.
سونىمەن قاتار مينيستر دياگنوستيكا مەن ەمدەۋگە ارنالعان مەديسينالىق جابدىققا قولجەتىمدىلىكتىڭ بولماۋىنا جانە كادر ماسەلەسىنە بايلانىستى بارلىق وڭىرلەردە ونكولوگيالىق كومەك بىردەي جانە جۇيەلى ەمەس دەپ وتىر.
قولدانىستاعى ساۋلەلىك تەراپيا اپپاراتتارىنىڭ پاركى 50 پايىزى ەسكىرگەن. مىسالى، اتىراۋ وبلىسىندا 1968 جىلى شىققان اپپارات قولدانىلادى. باتىس قازاقستان، قوستاناي، سولتۇستىك قازاقستان، اقمولا، ۇلىتاۋ، جەتىسۋ، قىزىلوردا وبلىستارىندا وسىنداي اپپاراتتار جوق. وڭىرلەردى دياگنوستيكالىق جانە زەرتحانالىق جابدىقتارمەن قامتاماسىز ەتۋ تومەن. اقمولا، قوستاناي، قىزىلوردا وبلىستارىنىڭ جانە استانا قالاسىنىڭ ونكولوگيا ورتالىقتارىندا كت جانە مرت اپپاراتتارى جوق، - دەدى اجار عينيات.
بەلگىلى بولعانداي، لاپاروسكوپيالىق، ينتەرۆەنسيالىق جابدىقتاردىڭ بولماۋىنا بايلانىستى حيرۋرگيالىق ەمدەۋ مۇمكىندىكتەرى شەكتەۋلى.
ونكولوگيا ورتالىقتارى عيماراتتارىنىڭ جارتىسى راديولوگيالىق جانە وپەراسيالىق-رەانيماسيالىق جابدىقتاردى ورناتۋ ءۇشىن زاماناۋي تالاپتارعا سايكەس كەلمەيدى. ونكولوگيالىق كومەك كورسەتۋدىڭ بارلىق دەڭگەيلەرىندە كادرلار تاپشىلىعى ورىن العان. دياگنوستيكا مەن ەمدەۋدىڭ جاڭا تەحنولوگيالارىن ەنگىزۋ بويىنشا مامانداردى، ونىڭ ىشىندە فيزيكتەر، حيميكتەر مەن مەديسينا سالاسىنداعى ينجەنەرلەر جەتىسپەيدى. تاعى ءبىر ايتا كەتەرلىگى، جەكە عىلىمي بازا جەتكىلىكسىز، زاماناۋي تەحنولوگيالار سالاسىندا جەكە عىلىمي ازىرلەمەلەر از. مەديسينالىق كومەك كورسەتۋ سەرۆيسىنىڭ دەڭگەيى تومەن. مەديسينا قىزمەتكەرلەرىنىڭ پاسيەنتتەر مەن ولاردىڭ تۋىستارىنا جاناشىرلىق، اياۋشىلىق (ەمپاتيا) سەزىمى جەتىسپەيدى، - دەدى مينيستر.