بۇل تۋرالى ق ر توتەنشە جاعدايلار ءمينيسترى يۋريي يلين ءمالىم ەتتى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
«سۋ تاسقىنى جاعدايىنىڭ قولايسىز دامۋى كەزىندە سۋ باسۋ ايماعىندا 255 ەلدى مەكەن بولۋى مۇمكىن، بۇل 127 مىڭنان استام ءۇي جانە 700 مىڭنان استام ازامات»، – دەدى مينيستر ۇكىمەتتىڭ بۇگىنگى وتىرىسىندا.
ونىڭ ايتۋىنشا، 2023 جىلعى سۋ تاسقىنى كەزەڭىنەن ءقاۋىپسىز وتۋگە دايىندىق اياسىندا بيلىكتىڭ بارلىق دەڭگەيىندە ۇلكەن جۇمىس جۇرگىزىلدى.
«وڭتۇستىك ايماقتاردا قار ەرۋىنىڭ باستالۋىنا ساناۋلى كۇن قالدى. ءقازىر بارلىق كۇش-جىگەر الدىن الۋ شارالارى مەن سۋ تاسقىنىنا دايىندىققا باعىتتالعان. بيىلعى ەكى ايدا 15،1 شاقىرىم ۋاقىتشا بوگەن سالىندى، 24 شاقىرىمعا جۋىعى جوندەلدى، 16 شاقىرىمنان استام ۋاقىتشا بوگەت، سونداي-اق ەلدى مەكەندەردىڭ اينالاسىندا 41 شاقىرىم بىلىك تۇرعىزىلدى»، - دەدى يلين.
سونداي-اق، مينيستر 5 مىڭ شاقىرىمعا جۋىق كانالدار مەن ارىقتار، اۆتوموبيلدەر جانە تەمىر جولدار استىندا 8،5 مىڭنان استام سۋ وتكىزۋ قۇرىلىستارى تازارتىلعانىن ايتتى.