مەديسينالىق قارسى كورسەتىلىمدەرى جوق ادامدار ءۇشىن كۆي-عا قارسى مىندەتتى ۆاكسينا الۋدىڭ قۇقىقتىق نەگىزدەرى بار.
ق ر ادىلەت مينيسترلىگىنىڭ مالىمدەۋىنشە، حالىقتى COVID-19-دان ساقتاۋ ماقساتىندا ەكپە سالدىرۋدى مىندەتتەۋ كونستيتۋسياعا قايشى كەلمەيدى، دەپ حابارلايدى Almaty-akshamy.kz
مينيسترلىكتىڭ اقپاراتى بويىنشا، ينفەكسيالىق جانە پارازيتتىك اۋرۋلاردىڭ پايدا بولۋى مەن تارالۋىنىڭ الدىن الۋ ماقساتىندا دەنساۋلىق تۋرالى كودەكستە كوزدەلگەن سانيتاريالىق-ەپيدەمياعا قارسى ءىس-شارالاردىڭ ءبىرى – پروفيلاكتيكالىق ەكپەلەر.
مەديسينالىق قارسى كورسەتىلىمدەرى جوق، ق ر اۋماعىندا تۇراقتى تۇراتىن جەكە تۇلعالار ينفەكسيالىق جانە پارازيتتىك اۋرۋلارعا قارسى ەكپەلەردى الۋعا مىندەتتى (كودەكستىڭ 85-بابىنىڭ 4 جانە 8-تارماقتارى)، ولاردىڭ قاتارىنا كۆي-عا قارسى پروفيلاكتيكالىق ەكپە دە جاتادى (قازاقستان رەسپۋبليكاسى ۇكىمەتىنىڭ 2020 جىلعى 24 قىركۇيەكتەگى № 612 قاۋلىسىنا سايكەس).
وسىلايشا، مەديسينالىق قارسى كورسەتىلىمدەرى جوق ادامدار ءۇشىن كۆي-عا قارسى مىندەتتى ۆاكسيناسيالاۋدىڭ قۇقىقتىق نەگىزدەرى بار جانە بۇل «مەملەكەت ادامنىڭ ءومىر ءسۇرۋى مەن دەنساۋلىعىنا قولايلى اينالاداعى ورتانى قورعاۋدى ماقسات ەتىپ قويادى» دەگەن كونستيتۋسيالىق نورماعا سايكەس كەلەدى (كونستيتۋسيانىڭ 31-بابى).
ادامنىڭ جانە ازاماتتىڭ قۇقىقتارى مەن بوستاندىقتارىنا كەپىلدىك بەرە وتىرىپ، ق ر كونستيتۋسياسى مۇنداي شەكتەۋدىڭ جول بەرىلەتىن شەكتەرىن بەلگىلەي وتىرىپ، ولاردى شەكتەۋ مۇمكىندىگىن جوققا شىعارمايدى. ادامنىڭ قۇقىقتارى مەن بوستاندىقتارىن جانە حالىقتىڭ دەنساۋلىعىن قورعاۋ ماقساتىندا عانا قۇقىقتار مەن بوستاندىقتار شەكتەلۋى مۇمكىن (كونستيتۋسيانىڭ 39-بابىنىڭ 1-تارماعى).