ۇستالعان ازامات ۋاقىتشا ۇستاۋ يزولياتورىنا قامالدى.
الماتى پوليسەيلەرى پوليسيا ساقشىلارىنان اقشا بوپسالادى دەگەن كۇدىكپەن ەر ازاماتتى ۇستادى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنىڭ دەرەگى بويىنشا، 34 جاستاعى ب.ەسىمدى ەر ادام ءوزىن پاترۋلدىك پوليسيا قىزمەتكەرلەرىنە بلوگەر رەتىندە تانىستىرىپ، ارانداتۋشىلىقتار جاساماۋعا جانە جەلىدە بەينەلەر ورنالاستىرماۋعا ۋادە بەرىپ، اقشا بوپسالاۋمەن اينالىسقان.
«سوما 50-دەن 200 مىڭ تەڭگەگە دەيىنگى ارالىقتا بولدى. مۇنى جۇرگىزىلگەن جەدەل جانە ارنايى ءىس-شارالار راستايدى. كۇدىكتىنى قاماۋعا الۋ قالانىڭ اۋەزوۆ اۋدانىندا سۇراتقان $300 الىپ جاتقان كەزدە جۇزەگە اسىرىلدى. زاتتاي دالەلدەمەلەر تاركىلەندى جانە ق ر قك-نىڭ 194-بابى 2ء-بولىمى بويىنشا قىلمىستىق ءىس ماتەريالدارىنا قوسا تىركەلدى. قاسكوي ۋاقىتشا ۇستاۋ يزولياتورىنا قامالدى. فاكتى بويىنشا تەرگەۋ امالدارىن پد تەرگەۋ باسقارماسى جۇرگىزۋدە»، – دەپ حابارلادى الماتى قالاسى پوليسيا دەپارتامەنتى باستىعىنىڭ ورىنباسارى رۋستام ءابدراحمانوۆ.