ونىڭ جاعدايى اۋىر، زارداپ شەگۋشىنى تاسىمالداۋ جانە اۋرۋحاناعا جاتقىزۋ قاجەت.
شاھار قۇتقارۋشىلارى حابارسىز كەتكەن ءاليا كامييەۆا تاپتى، دەپ حابارلايدى Almaty-akshamy.kz.
« 8 شىلدە كۇنى ساعات 10 ساعات 56 مينۋتتا الماتى قالاسى تج دەپارتامەنتىنە رجقج-دان باو اۋماعىندا حابارسىز كەتكەن ءاليا كامييەۆا تابىلعانى تۋرالى اقپارات كەلىپ ءتۇستى. ونىڭ جاعدايى اۋىر دەپ باعالانادى، زارداپ شەگۋشىنى تاسىمالداۋ جانە اۋرۋحاناعا جاتقىزۋ قاجەت»، – دەلىنگەن الماتى قالاسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتىنىڭ حابارىندا.
رەسميت دەرەك بويىنشا، دەپارتامەنت ق ر تجم «قازاۆياقۇتقارۋ» تىكۇشاعىنىڭ ۇشۋىن ۇيىمداستىردى.
ەستەرىڭىزگە سالا كەتسەك، 7 شىلدەدەن بەرى قۇتقارۋشىلار ىزدەستىرۋ-قۇتقارۋ جۇمىستارىن جۇرگىزىپ، ماكسيمالدى كۇشتەر مەن قۇرالدارىن جۇمساعان بولاتىن. بۇل جۇمىستى رەسپۋبليكالىق جەدەل-قۇتقارۋ جاساعىنىڭ قىزمەتكەرلەرى، ەكى كينولوگيالىق ەسەپ، « 109» قۇتقارۋ قىزمەتى، 75 ۆولونتەر جۇرگىزدى.
ءبۇدان بۇرىن حابارلاعانداي، 7 شىلدە كۇنى الماتى قۇتقارۋشىلارىنا حابارسىز كەتكەن ازاماتشانىڭ اناسى تەلەفون شالىپ، ءوتىنىش بىلدىرگەن بولاتىن.