"ميلتون" داۋىلى دەس بەرەر ەمەس.
جەلدىڭ ەكپىنى ساعاتىنا 200 شاقىرىمعا جەتكەن. سالدارىنان كوشەلەردى سۋ شايىپ، 2 ملننان استام ادام جارىقسىز قالدى. تابيعي اپاتتان قازا تاپقاندار دا بار. جەل ەكپىنى باسەڭدەمەسە تولقىن تۋدىرىپ، الاپات سۋ تاسقىنىنا الىپ كەلۋى مۇمكىن دەگەن بولجام بار، دەپ حابارلايدى aqshamnews.kz.
6 ملن-نان استام ادام ۇيلەرىن تاستاپ، ءقاۋىپسىز جەرگە كوشۋگە ءماجبۇر بولعان. فلوريدا شتاتىنىڭ 70 مىڭنان استام تۇرعىنى بيلىك ۇيىمداستىرعان باسپانالارعا ەۆاكۋاسيالاندى. قالاداعى مەكتەپتەر مەن جوعارعى وقۋ ورىندارى جابىلىپ، قىزمەتكەرلەر قىسقامەرزىمدى ەڭبەك دەمالىسىنا جىبەرىلدى. مەملەكەتتىك مەكەمەلەر، دۇكەندەر مەن كوپتەگەن جەكەمەنشىك كومپانيالار جۇمىسىن توقتاتتى.
قازاقستاننىڭ اقش-تاعى ەلشىلىگى وتانداستارىمىزدى توتەنشە جاعداي بولسا دەرەۋ ءقاۋىپسىز جەرگە كوشۋگە دايىن بولۋعا، جەرگىلىكى بيلىكتىڭ نۇسقاۋلارىن مۇلتىكسىز ورىنداۋعا شاقىردى. تابيعي اپاتقا بايلانىستى ەلشىلىك جەدەل جەلىنى ىسكە قوستى. ماياميدەگى وتانداستارىمىز دا داۋىلعا قارسى قامدانۋدى باستاپ كەتتى. ولارعا ۇيلەرىن قورعاۋ ءۇشىن قۇم تولتىرىلعان قاپ تەگىن تاراتىلعان.