2024 جىلدىڭ 10 قازانىندا ق ر پرەزيدەنتىنىڭ جانىنداعى ق ر ۇلتتىق عىلىم اكادەمياسى تۇران ۋنيۆەرسيتەتىندە عىلىم قورىمەن بىرلەسىپ ۇيىمداستىرۋىمەن ەكى كۇندىك عىلىمدى كوممەرسيالاندىرۋدىڭ I ەۋرازيالىق فورۋمى (عكەف) ءوز جۇمىسىن باستادى، دەپ حابارلايدى aqhsmnews.kz.
فورۋمعا ق ر پرەزيدەنتىنىڭ جانىنداعى ق ر ۇلتتىق عىلىم اكادەمياسىنىڭ پرەزيدەنتى ا.كۇرىشبايەۆ، ق ر عىلىم جانە جوعارى ءبىلىم ۆيسە-مينيسترى د. احمەد-زاكي، «عىلىم قورى» اق باسقارما ءتوراعاسى ك.اقاتوۆ، «سكولكوۆو» قورىنىڭ باس ديرەكتورى ورىنباسارى ا. وكۋنيەۆ (رەسەي)، «Gund Investment» باسقارما ءتوراعاسى د.جارگالسايحان (موڭعوليا)، «Qazinnovations» باسقارما ءتوراعاسى س.جولدىحان، «تۇران» ۋنيۆەرسيتەتىنىڭ رەكتورى ر.الشانوۆ، جوو، عزي ءبىرىنشى باسشىلارى مەن كاسىپكەرلەر، حالىقارالىق ۇيىمدار جانە ب ا ق وكىلدەرى قاتىستى.
حالىكارالىق فورۋمنىڭ اشىلۋىندا ءسوز سويلەگەن ق ر پرەزيدەنتىنىڭ جانىنداعى ق ر ۇلتتىق عىلىم اكادەمياسىنىڭ پرەزيدەنتى ا.ق. كۇرىشبايەۆ عىلىمنىڭ دامۋى مەن ونىڭ ەكونوميكاعا ىقپالىنا ەرەكشە نازار اۋدارۋ قاجەتتىلىگىنە توقتالدى: «بۇگىنگى تاڭدا عىلىمدى كوممەرسيالاندىرۋ – كەز كەلگەن ەلدىڭ تۇراقتى ەكونوميكالىق دامۋىنىڭ باستى فاكتورى. قازاقستان ءۇشىن بۇل باعىت ەرەكشە ماڭىزدى، سەبەبى ءبىزدىڭ عىلىمي الەۋەتىمىزدى ناقتى ەكونوميكالىق جەتىستىكتەرگە اينالدىرۋ – بولاشاعىمىزدىڭ نەگىزى».
ا. كۇرىشبايەۆ ەلىمىزدەگى عىلىمي ازىرلەمەلەردى ەكونوميكاعا ەنگىزۋ مەحانيزمدەرىنىڭ جوقتىعى، جوبالار عىلىم مەن بيزنەس اراسىنداعى بايلانىستىڭ، سونداي-اق ستارتاپتاردى قولداۋ جۇيەسىنىڭ بولماۋى سالدارىنان ىسكە اسپاي قالادى. عىلىمي يدەيالاردىڭ باسەكەگە قابىلەتتى نارىقتىق ونىمدەرگە اينالۋى ءۇشىن ستارتاپتار مەن سكەيلاپ ورتالىقتارىن دامىتۋعا قولايلى جاعداي جاساۋ قاجەت ەكەنىن اتاپ ءوتتى.
«عىلىمدى كوممەرسيالاندىرۋ – قازاقستان مەن تۇتاس ەۋرازيا ايماعىنىڭ تۇراقتى ەكونوميكالىق دامۋىنىڭ ماڭىزدى فاكتورى. قارجىلاندىرۋدىڭ جەتكىلىكسىزدىگى، ينفراقۇرىلىم مەن كادرلاردىڭ تاپشىلىعى، سونداي-اق قۇقىقتىق بازانىڭ جەتىلمەۋى سياقتى ماسەلەلەردى عىلىمي ەكوجۇيەنى دامىتۋعا باعىتتالعان كەشەندى شارالار ارقىلى شەشۋ مۇمكىن. تەك جۇيەلى تاسىلمەن عانا قازاقستان عىلىمي جەتىستىكتەردى ءتيىمدى تۇردە باسەكەگە قابىلەتتى ونىمدەر مەن قىزمەتتەرگە اينالدىرىپ، ەكونوميكانىڭ تۇراقتى ءوسىمىن قامتاماسىز ەتە وتىرىپ ەۋرازيادا كوشباسشى ورىنعا شىعۋعا مۇمكىندىك الادى».
ءىس-شارادا ءسوز سويلەگەن ق ر عىلىم جانە جوعارى ءبىلىم ۆيسە-مينيسترى د. احمەد-زاكي عىلىم سالاسى ەكونوميكا مەن قوعامعا ناقتى پايدا اكەلەتىن پراكتيكالىق باعىتقا اۋىساتىنىن جانە ول وتاندىق كاسىپورىنداردىڭ باسەكەگە قابىلەتتىلىگىن ارتتىرىپ، ازاماتتارىمىزدىڭ ءومىر ءسۇرۋ ساپاسىن جاقسارتا وتىرىپ، وندىرىسكە ەنگىزىلۋى مۇمكىن جانە ەنگىزىلۋى ءتيىس جاڭا يدەيالار، تەحنولوگيالار مەن شەشىمدەر اكەلەتىن اتاپ ءوتتى.
«بۇگىن ءبىزدىڭ الدىمىزدا ۇلكەن مىندەتتەر تۇر. ءبىز عىلىم مەن تەحنولوگيا كەز كەلگەن مەملەكەتتىڭ تابىسىنىڭ نەگىزگى فاكتورىنا اينالاتىن جىلدام جاھاندىق وزگەرىستەر داۋىرىندە ءومىر ءسۇرىپ جاتىرمىز. قازاقستان عىلىمي-يننوۆاسيالىق دامۋ سالاسىندا جەتەكشى ورىنعا يە بولۋعا ۇمتىلادى جانە بۇل عىلىم، ونەركاسىپ جانە بيزنەس اراسىنداعى تىعىز ىنتىماقتاستىقسىز مۇمكىن ەمەس. وسىعان بايلانىستى ءبىز عىلىم مينيسترلىگى رەتىندە عىلىم مەن بيزنەس ناتيجەلى ءوزارا ارەكەتتەسە الاتىن ءتيىمدى ەكوجۇيەنى قۇرۋعا ايتارلىقتاي كۇش سالامىز».
قاتىسۋشىلار ايماقتىڭ يننوۆاسيالىق ەكوجۇيەسىنىڭ نەگىزگى مىندەتتەرىن، سونىڭ ىشىندە عىلىم مەن بيزنەستىڭ ءوزارا بايلانىسىن كۇشەيتۋ، ستارتاپتار ءۇشىن جاعدايدى جاقسارتۋ جانە عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ينۆەستيسيانى ۇلعايتۋ قاجەتتىلىگىن تالقىلادى.
فورۋمدا رەسەي، قىرعىستان، تاجىكستان، ءازىربايجان، مونعوليا جانە وتاندىق جوبا اۆتورلارىنىڭ 50 اسا بيزنەس جوبالارى تانىستىرىلىپ، ىسكە اسىرىلۋ تەتىكتەرى قاراستىرىلدى. سونىمەن قاتار عىلىمي جوبالاردى قارجىلاندىرۋ، قولايلى نورماتيۆتىك-قۇقىقتىق ورتا قۇرۋ جانە يننوۆاسيالىق ەكونوميكانى قولداۋ ءۇشىن كادرلىق الەۋەتتى دامىتۋ ماسەلەلەرىنە ەرەكشە نازار اۋدارىلدى.
فورۋمنىڭ جالعاسى ق ر پرەزيدەنتىنىڭ جانىنداعى ۇلتتىق عىلىم اكادەمياسى مەن «سكولكوۆو» رەسەي قورىنىڭ اراسىنداعى عىلىمدى كوممەرسيالاندىرۋ بويىنشا ەكى جاقتى كەلىسىمگە قول قويۋمەن جالعاستى. بۇل كەلىسىم نەگىزىندە وتاندىق عالىمدار ءوز عىلىمي جاڭالىعىن حالىقارالىق دەڭگەيدە دامىتۋعا مۇمكىندىك الادى.
ەكى كۇنگە جوسپارلانعان فورۋم اياسىندا وتەتىن سەسسيالىق تالقىلاۋلار عىلىمي زەرتتەۋلەردى كوممەرسيالاندىرۋ، يننوۆاسيالىق ەكوجۇيەلەردى دامىتۋ جانە حالىقارالىق ىنتىماقتاستىق تاقىرىپتارىن قامتيدى. حالىقارالىق فورۋم جۇمىسىنىڭ ناتيجەسىندە رەزوليۋسيا قابىلدانىپ، جۇمىس توبى قۇرىلىپ، وتاندىق عىلىمدى كوممەرسيالاندىرۋ بويىنشا ناقتى جۇمىستار جاسالاتىن بولادى.