قارىزدىڭ جالپى سوماسى 29،1 ميلليارد تەڭگە.
ءبىر ميلليوننان استام قازاقستاندىقتىڭ مۇلىك پەن كولىك سالىعى بويىنشا بەرەشەگى بار، دەپ حابارلايدى Almaty-akshamy.kz
1 ميلليوننان استام قازاقستاندىقتىڭ مۇلىك پەن كولىك سالىعى بويىنشا جالپى سوماسى 29،1 ميلليارد تەڭگە بولاتىن قارىزى بار.
مەملەكەتتىك كىرىستەر كوميتەتىنىڭ مالىمەتىنشە، ونىڭ 27،9 ملرد تەڭگەسى – كولىككە سالىناتىن سالىق بويىنشا قارىز.
"وسى جىلدىڭ 26 مامىرىنان باستاپ بەرەشەك سوماسى 1 ايلىق ەسەپتىك كورسەتكىشتەن اساتىن بورىشكەرلەردىڭ ءتىزىمى ءوندىرىپ الۋ ءۇشىن جەكە سوت ورىنداۋشىلارعا جىبەرىلەتىن بولادى. زاڭناماعا سايكەس جەكە سوت ورىنداۋشىلار بانكتىك شوتتار جانە مۇلىككە تىيىم سالۋعا قۇقىلى. سونداي-اق بەرەشەك سوماسى 40 ايلىق ەسەپتىك كورسەتكىشتەن اسقان كەزىندە بورىشكەرگە قازاقستان رەسپۋبليكاسىنان شىعۋعا تىيىم سالىنۋى مۇمكىن"، - دەلىنگەن كوميتەت حابارلاماسىندا.
سونداي-اق جەكە سوت ورىنداۋشىلارى بورىشكەردەن بەرەشەك سوماسىنان بولەك سول قارىزدىڭ 25 پايىزىنا دەيىنگى مولشەردە قوسىمشا اقى ءوندىرىپ الادى.
سالىق بويىنشا بەرەشەكتىڭ بار-جوعىن e-Salyq Azamat ءموبيلدى قوسىمشاسىنان تەكسەرۋگە بولادى.