ال ونەركاسىپتەگى قاۋىپسىزدىك قاعيداسى قايتا قارالىپ، جوندەۋگە قاتىستى شەكتى تاريف بەكىتىلمەك.
ءماجىلىس وتىرىسىندا دەپۋتات باۋىرجان سماعۇلوۆ وسىنداي باستاما كوتەرىپ، ۇكىمەت باسشىسىنا ساۋال جولدادى. دەپۋتاتتىڭ ايتۋىنشا، سوندا عانا جىلۋمەن قامتۋداعى پروبلەمانى رەتتەۋگە بولادى. جالپى 2021 جىلمەن سالىستىرعاندا 2022 جىلى ەلدەگى ەنەرگەتيكالىق كاسىپورىنداردا اپات سانى 23 پايىزعا كوبەيگەن، دەپ حابارلايدى Almaty-akshamy.kz 24.kz-كە سىلتەمە جاساپ.
«ەنەرگەتيكالىق كاسىپورىنداردا جۇرگىزىلگەن ءاۋديتتىڭ قورىتىندىسى كوڭىل كونشىتپەيدى. بيىلعى ءبىرىنشى قاڭتارداعى جاعداي بويىنشا جىلۋ ءوندىرۋ سالاسىندا 37 ەنەرگيا كوزى جۇمىس ىستەيدى. ولاردىڭ قۇرىلعانىنا 61 جىلدان اسقان. تيىسىنشە ماتەريالدىق جابدىعى 66 پروسەنتكە توزىپ تۇر. كەيبىر قالالاردا ءتىپتى 80 پايىزدان اسادى. بۇگىندە ماجىلىستە زاڭ جوباسى قارالىپ جاتىر. بۇل قۇجات ەنەرگەتيكا سالاسىنداعى مەملەكەتتىك باقىلاۋدى ايتارلىقتاي كۇشەيتۋدى كوزدەيدى»، - دەيدى ق ر پارلامەنتى ءماجىلىسىنىڭ دەپۋتاتى باۋىرجان سماعۇلوۆ.