مەديسينا مەن فيزيولوگيا سالاسىندا 2023 جىلعى نوبەل سىيلىعىنا رنق نەگىزىندە جاڭا ۆاكسينا ويلاپ تابۋعا مۇمكىندىك بەرگەن جاڭالىعى ءۇشىن كاتالين كاريكو (ماجارستان) مەن دريۋ ۆايسمان (اقش) لايىق دەپ تانىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كوروناۆيرۋس پاندەمياسى باستالعالى رنق ۆاكسينالارى ميلليونداعان ادامنىڭ ءومىرىن امان ساقتاپ قالۋعا كومەكتەستى.
«الەم قورقىنىشتى Covid-19 ەپيدەمياسىن باستان وتكەرىپ، باسقا دا ەپيدەميالار ءقاۋپى ءتونىپ تۇرعان كەزدە ولاردىڭ جۇمىسىنىڭ قۇندىلىعىنا باعا جەتپەيتىنىن مويىندادىق» دەپ ءتۇسىندىردى شەشىمىن نوبەل سىيلىعى كوميتەتى.
بىلتىر بۇل ماراپاتتى قىرىلىپ بىتكەن ادامداردىڭ گەنومى مەن ادام ەۆوليۋسياسىن زەرتتەگەنى ءۇشىن شۆەد گەنەتيگى سۆانتە پاابو يەلەنگەن بولاتىن.
1901 جىلدان بەرى فيزيولوگيا مەن مەديسينا بويىنشا 112 نوبەل سىيلىعى تابىستالىپ، 224 ادام لاۋرەات اتاندى.
نوبەل سىيلىعى قورىنىڭ جارعىسى بويىنشا، ماراپاتقا لايىق دەپ تانىلعان جۇمىستىڭ ەكى نەمەسە ءۇش اۆتورى بولسا — سىيلىق ەكەۋىنە ورتاق تاعايىندالادى.
2022 جىلعا ارنالعان نوبەل سىيلىعى قورى — 10 ملن شۆەد كرونى (شامامەن 900 مىڭ دوللار).