جارىسقا قاتىسۋ تەگىن.
سايىستىڭ ەرەجەسى firstrobotics.kz سايتىندا جاريالاندى، دەپ حابارلايدى Almaty-akshamy.kz
USTEM Foundation قوعامدىق قورى وقۋ-اعارتۋ مينيسترلىگىنىڭ قولداۋىمەن روبوتوتەحنيكا بويىنشا وڭىرلىك ىرىكتەۋ چەمپيوناتىن وتكىزەدى. ۇلتتىق كەزەڭگە وڭىرلىك ىرىكتەۋلەرگە قاتىسۋعا ەلىمىزدىڭ بارلىق مەكتەپتەرىنىڭ وقۋشىلارى كەلەسى ساناتتار بويىنشا شاقىرىلادى:
- FIRST LEGO League Explore (6-10 جاس)
- FIRST LEGO League Challenge (10-16 جاس)
- FIRST Tech Challenge (12-18 جاس)
ەستەرىڭىزگە سالا كەتەيىك، وتكەن جىلى جارىسقا قازاقستاننىڭ تۇكپىر-تۇكپىرىنەن 10 000-نان استام وقۋشى قاتىستى. حيۋستوندا وتكەن الەمدىك كەزەڭگە 50-گە جۋىق قازاقستاندىق وقۋشى بارىپ، ەلگە ءۇش بىردەي جۇلدە الىپ كەلگەن بولاتىن.
"FIRST in show چەمپيوناتىنىڭ جاڭا ماۋسىمى ونەر تاقىرىبىنا ارنالعان جانە STEM ارقىلى وقۋشىلاردىڭ شىعارماشىلىق الەۋەتىن دامىتۋعا باعىتتالعان. ۇلتتىق چەمپيوناتقا ءبىز كوماندالاردى ەكى كەزەڭدە ىرىكتەيتىن بولامىز: الەۋمەتتىك جەلىلەر ارقىلى ونلاين ىرىكتەۋ جانە وڭىرلىك ىرىكتەۋ جارىستارى وتكىزىلەدى. بيىل قازاقستاننىڭ بارلىق 17 وبلىسىندا جانە رەسپۋبليكالىق ماڭىزى بار 3 قالادا وڭىرلىك ىرىكتەۋ جۇرگىزەمىز. سونداي-اق اۋىل مەكتەپتەرىنىڭ وقۋشىلارىنا ەرەكشە نازار اۋدارعىمىز كەلەدى"، - دەپ ءبولىستى USTEM Foundation قورىنىڭ نەگىزىن قالاۋشى نۇرداۋلەت دوسماعامبەت.
ايتا كەتەيىك، جارىسقا قاتىسۋ تەگىن. ەلىمىزدىڭ بارلىق دەرلىك مەكتەپتەرىندە قاتىسۋعا قاجەتتى قۇرال-جابدىقتار بار.