الماتىدا حالىقارالىق قارتتار كۇنىن مەرەكەلەۋ اياسىندا قارتتار ايلىعى وتەدى
3 قازان كۇنى ساعات 15:00-دە ابىلاي حان كوشەسى، 83 (قازاقكونسەرت عيماراتى) مەكەنجايى بويىنشا زەينەتكەرلەرگە ارنالعان «بەلسەندى قاريالار – قوعام قازىناسى!» مەرەكەلىك كونسەرتى وتەدى. باعدارلامادا حور جانە بي ۇجىمدارىنىڭ، دومبىرا وركەسترىنىڭ، سپورتتىق كورسەتىلىمدەردىڭ، جەكە نومىرلەردىڭ قويىلىمدارى بار. سونىمەن قاتار، شىعارماشىلىق جۇمىستار مەن قولونەر كورمەسى ۇيىمداستىرىلادى، دەپ حابارلايدى اlmaty-akshamy.kz.
2023 جىلى 6 قازاندا ساعات 13:00-دە الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى 28 گۆاردياشىل-پانفيلوۆشىلار ساياباعىنىڭ جانىندا، گوگول كوشەسى، 40 مەكەنجايىندا ورنالاسقان «جۇلدىز» مەيرامحاناسىندا ارداگەرلەرمەن كەزدەسۋ ۇيىمداستىرادى. وندا كونسەرت قويىلىپ، سىيلىقتار تابىستالادى.
بۇعان قوسا، «الماتى قالاسىنىڭ بەلسەندى ۇزاق ءومىر ءسۇرۋ ورتالىعى» كمم قازان ايى بويى:
2-31 قازان – «شەبەرلەر» ساندىك-قولدانبالى شىعارماشىلىق كورمەسىن (واا فويەسى)؛
11 قازان – «اگروكراۋدسورسينگ» جوباسى بويىنشا «ەگىن مەرەكەسى» (الماتى وبلىسى، اۆات كەنتى)؛
اپتا سايىن – ەكسكۋرسيالار، مۋزەيلەر ارالاۋ ۇيىمداستىرادى؛
24 قازان - سكانديناۆيالىق ءجۇرىس فەستيۆالى.
ءاربىر ءىس-شارادا ەڭ بەلسەندى، تالانتتى زەينەتكەرلەر، شىعارماشىلىق ۇجىمدار مەن سپورتتىق كوماندالار انىقتالادى. ولارعا ارنايى گراموتالار مەن باعالى سىيلىقتار تابىس ەتىلەتىن بولادى.
سونىمەن قاتار، حالىقارالىق قارتتار كۇنىن تويلاۋ اياسىندا الماتىدا قاريالارمەن كەزدەسۋلەر ۇيىمداستىرىلادى. ۇلى وتان سوعىسىنىڭ ارداگەرلەرىن، ەڭبەك مايدانگەرلەرىن ۇيلەرىنە بارىپ قۇتتىقتايدى. ءارى ولار ءۇشىن «الاتاۋ» ءداستۇرلى ونەر تەاترىندا مادەني-ويىن-ساۋىق ءىس-شارالارى ۇيىمداستىرىلادى. سوعىس ارداگەرلەرى مەن ەڭبەك مايدانگەرلەرىنە الەۋمەتتىك-تۇرمىستىق ماسەلەلەر بويىنشا كومەك كورسەتىلەدى. جالعىزباستى قارتتارعا كومەك رەتىندە قايىرىمدىلىق اكسيالارى وتكىزىلەدى.
مەديسينالىق-الەۋمەتتىك مەكەمەلەردە قارتتارعا ارناپ قازاقستاندىق ەسترادا جۇلدىزدارى ءان سالىپ، سيرك ارتىستەرى ونەر كورسەتەدى، مەرەكەلىك تۇسكى اس ۇيىمداستىرىلادى. سونىمەن بىرگە قالانىڭ مەديسينالىق مەكەمەلەرىندە تار بەيىندەگى مەديسينا قىزمەتكەرلەرىن تارتا وتىرىپ، قارت ازاماتتار ءۇشىن «اشىق ەسىك كۇندەرى» وتەدى. سوعىس جانە ەڭبەك ارداگەرلەرىنە ستوماتولوگيالىق كومەك كورسەتىلەدى. ول ءۇشىن ازاماتتاردىڭ وسى ساناتتارىنا تۇرعىلىقتى جەرى بويىنشا اۋداندىق ەمحانالار جۇگىنۋ قاجەت. ال ءموبيلدى ەمەس زەينەتكەرلەر ءۇشىن كەشەندى بريگادالار ۇيدە مەديسينالىق تەكسەرۋ جۇرگىزەدى.
ورتا ارناۋلى جانە جوعارى وقۋ ورىندارىندا سوعىس جانە ەڭبەك ارداگەرلەرىنىڭ قاتىسۋىمەن كەزدەسۋلەر، كونفەرەنسيالار، دوڭگەلەك ۇستەلدەر، اشىق ساباقتار، تەاترلاندىرىلعان قويىلىمدار، اكسيالار جانە باسقا دا ءىس-شارالار وتكىزىلەدى. قالا مەكتەپتەرىندە قارتتار كۇنىنە ارنالعان «مەيىرىمدىلىك پەن قايىرىمدىلىق ساباعى» تاربيەلىك ءىس-شاراسى وتەدى.
ەستەرىڭىزگە سالا كەتەيىك، الماتىدا 01.10.2023 جاعداي بويىنشا 239 703 زەينەتكەر بار، 51ۇوس-نىڭ ارداگەرى، 7 590 ەڭبەك مايدانگەرى، سونىمەن قاتار، وزگە مەملەكەتتەردىڭ اۋماعىندا 2 985 جاۋىنگەرلىك ءىس-قيمىل جاساعان ارداگەرى تۇرادى.