تەكسەرۋ قورىتىندىسى بويىنشا بارلىعى 300-دەن استام زاڭ بۇزۋشىلىق انىقتالدى.
مەملەكەت باسشىسىنىڭ تاپسىرماسىن ىسكە اسىرۋ شەڭبەرىندە پروكۋراتۋرا ورگاندارى كولىك جولدارى سالاسىنىڭ جاي-كۇيىن تەكسەرۋدىڭ قورىتىندىسىن شىعاردى. بۇل تۋرالى Almaty-akshamy.kz. Azattyq Ruhy-نا سىلتەمە جاساپ حابارلايدى.
بۇعان دەيىن باسپاسوزدە كولىك جولدارىن سالۋ جانە جوندەۋ كەزىندە جىمقىرۋ جانە سىبايلاس جەمقورلىقتىڭ كوپتەگەن فاكتىلەرى انىقتالعاندىعى تۋرالى حابارلاندى. قۇقىق بۇزۋشىلىقتار بيۋدجەت قاراجاتىن زاڭسىز شىعارۋ سحەمالارىندا كوبىنەسە ءبىر مەردىگەر ۇيىمدارى بولعان.
«وسىنداي فيرمالاردىڭ ءبىرىنىڭ وكىلدەرى اقمولا ءوڭىرىنىڭ قوياندى كەنتىندە 907 ملن تەڭگەگە كۇردەلى جوندەۋ جانە جەرگىلىكتى جول قۇرىلىسىن جاساماعاندىعى بەلگىلى بولدى. بۇگىنگى كۇنى شارت بۇزىلدى، وڭىردەگى پروكۋرورلار سوتقا دەيىنگى تەرگەپ-تەكسەرۋگە باستاماشىلىق جاساپ، ونىڭ شەڭبەرىندە قىلمىستىق قۇقىق بۇزۋشىلىق جاساۋدىڭ ءمان-جايلارى انىقتالۋدا.
سولتۇستىك قازاقستان وبلىسىندا وبلىستىق جولداردى جوندەۋگە بولىنگەن 423 ملن تەڭگەنى جىمقىردى دەگەن ايىپپەن ع. مۇسىرەپوۆ اتىنداعى اۋدان اكىمدىگىنىڭ جانە جەرگىلىكتى مەردىگەر مەكەمەنىڭ باسشىلارى قاماۋعا الىنىپ، جاۋاپقا تارتىلدى. جۇمىستاردى قابىلداۋ تۋرالى جالعان اكتىلەر بويىنشا جولدىڭ جوقتىعىنا قاراماستان، ميلليونداعان مەملەكەتتىك قارجىنى اۋدارعان»، - دەلىنگەن حابارلامادا.
پروكۋراتۋرانىڭ حابارلاۋىنشا، مەملەكەتتىك ساتىپ الۋ كەزىندە ءونىم جەتكىزۋشىلەر تاڭداۋ كەزەڭى اۆتوجولدار سالاسىنداعى نەعۇرلىم جەمقورلىقپەن بايلانىستى بولىپ سانالدى.
ماسەلەن، اۋدان پروكۋرورلارىنىڭ ارالاسۋىنان كەيىن ارشالى اۋدانى اكىمدىگىنىڭ ءبولىم باسشىسى ەكاتەرينبۋرگ-الماتى اۆتوبانىنان بەرسۋات اۋىلىنا دەيىنگى ۋچاسكەنى كۇردەلى جوندەۋ بويىنشا 1،1 ملرد تەڭگەگە زاڭسىز شارت جاساسقانى ءۇشىن تەرىس سەبەپتەرمەن جۇمىستان بوساتىلعان بولاتىن.
پروكۋرورلار بيۋدجەتتىڭ نەگىزسىز شىعىندارىنىڭ جولىن كەسۋگە ەرەكشە نازار اۋدارادى.
«شىعىس قازاقستان وبلىسىنىڭ التاي اۋدانىندا جوندەلگەن ۋچاسكەگە 148 ملن تەڭگەدەن استام بيۋدجەت قاراجاتىن ارتىق جۇمساۋ فاكتىسىنىڭ الدى الىندى جانە باسشىلىق بۋىنداعى كىنالى لاۋازىمدى تۇلعا لايىقتى تارتىپتىك جازاعا تارتىلدى.
تەكسەرۋ قورىتىندىسى بويىنشا بارلىعى 300-دەن استام زاڭ بۇزۋشىلىق انىقتالدى، 30 ملرد تەڭگە سوماسىنا بيۋدجەت شىعىندارىنىڭ الدىن الدى، مەملەكەت كىرىسىنە 2،5 ملرد تەڭگە وتەلدى، 29 قىلمىستىق ءىس قوزعالدى، 305 ادام تارتىپتىك جانە اكىمشىلىك جاۋاپكەرشىلىككە تارتىلدى.
جولداردىڭ قاناعاتتانارلىقسىز جاعدايىنا ورىنسىز جوسپارلاۋ، يننوۆاسيالاردى ەنجار ەنگىزۋ، بەرىكتىگى جوعارى ماتەريالدارعا ۇنەمدەۋ جانە ت.ب. ىقپال ەتىپ وتىر»، - دەلىنگەن پروكۋراتۋرا حابارلاماسىندا.
وسىعان بايلانىستى، باس پروكۋراتۋرا ۇكىمەتكە قارالىپ جاتقان شەتەلدىك وزىق تاجىريبەگە نەگىزدەلگەن كولىك جولدارى سالاسىن تۇبەگەيلى وزگەرتۋ بويىنشا ۇسىنىستارمەن قاداعالاۋ اكتىسىن ەنگىزدى.