«گۇلدەر» ءانسامبلى كوكتەمدە قايتا گۇلدەمەك

 كوكتەمدە بي ۇجىمىنىڭ جاڭا قۇرامى تۇساۋكەسەر كونسەرتىن وتكىزەدى.

بۇل جايىندا روزا باعلانوۆا اتىنداعى «قازاقكونسەرت» مەملەكەتتىك كونسەرتتىك ۇيىمىنىڭ ديرەكتورى اقتوتى رايىمقۇلوۆا مالىمدەدى، دەپ حابارلايدى Almaty-akshamy.kz 24.kz-كە سىلتەمە جاساپ. 

جوباعا دايىندىق بارىسىندا «گۇلدەر» ءانسامبلىنىڭ مۇراعاتتىق ماتەريالدارى مۇقيات زەردەلەنىپ، توپتىڭ «التىن قورىنان» ەڭ ۇزدىك نومىرلەر ىرىكتەلدى. كەشكە مادەني ۇجىمنىڭ العاشقى سوليستەرى دە قاتىسادى. «قازاقكونسەرت» ۇيىمى «ەل بىرلىگى – جاڭا قازاقستان» جوباسىن قايتا جاڭعىرتۋدى جوسپارلاپ وتىر. گاسترولدىك ساپارلارمەن، وڭىرلەردى ارالاپ شىعارماشىلىق كونسەرتتەر وتكىزەدى.

«تاريحي برەندىمىز بولىپ كەتكەن «گۇلدەر» ءانسامبلىن جاڭا قۇرۋ. وسىدان 10-جىلداي بۇرىن بۇل انسامبل ءوز جۇمىسىن توقتاتقان ەدى.  بۇگىن ءبىز ءانسامبلدىڭ مۇراعاتتىق قورىنان ەڭ تاڭداۋلى دەگەن نومىرلەرىن ىرىكتەپ الدىق. سونىمەن قاتار بارلىق جاستاعى كورەرمەندەر ءۇشىن ءتۇرلى جانرلارداعى شىعارمالاردى قولعا الدىق»، - دەدى ر.باعلانوۆا اتىنداعى «قازاقكونسەرت» ۇيىمىنىڭ ديرەكتورى اقتوتى رايىمقۇلوۆا.