كسرو پرەزيدەنتى قىزمەتىنەن كەتكەننەن كەيىن ول قوعامدىق جانە ادەبي قىزمەتپەن اينالىستى
كسرو-نىڭ تۇڭعىش پرەزيدەنتى ميحايل گورباچيەۆ 92 جاسىنا قاراعان شاعىندا دۇنيەدەن ءوتتى. بۇل تۋرالى رف ورتالىق كلينيكالىق اۋرۋحاناسى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ميحايل گورباچيەۆ ۇزاققا سوزىلعان اۋىر دەرتتەن بۇگىن كەشكە قايتىس بولدى»، - دەلىنگەن ورتالىق كلينيكالىق اۋرۋحانا حابارلاماسىندا.
ميحايل گورباچيەۆ 1931 جىلى 2 ناۋرىزدا دۇنيەگە كەلگەن. م.ۆ. لومونوسوۆ اتىنداعى ممۋ زاڭ فاكۋلتەتىن (1955)، 1967 جىلى ستاۆروپول اۋىلشارۋاشىلىق ينستيتۋتىنىڭ (قازىرگى ستاۆروپول مەملەكەتتىك اگرارلىق ۋنيۆەرسيتەتى) سىرتتاي ءبولىمىن ءبىتىردى. 1952 جىلى كوكپ قۇرامىنا كىردى، 1971 جىلدان باستاپ وك مۇشەسى بولدى. كوكپ وك سوڭعى باس حاتشىسى قىزمەتىن اتقاردى. كونستانتين چەرنەنكو قايتىس بولعاننان كەيىن 1985 جىلى وسى لاۋازىمعا سايلاندى. جاريالىلىق پەن قايتا قۇرۋدىڭ باستى يدەولوگى بولدى. كەڭەس وداعىنىڭ ءبىرىنشى جانە سوڭعى پرەزيدەنتى بولدى.1990 جىلى ناۋرىزدا سايلاندى، 1991 جىلى 25 جەلتوقساندا قىزمەتىنەن كەتتى. 1990 جىلعى نوبەل سىيلىعىنىڭ لاۋرەاتى اتاندى. كسرو پرەزيدەنتى قىزمەتىنەن كەتكەننەن كەيىن ول قوعامدىق جانە ادەبي قىزمەتپەن اينالىستى.