ەلەنا رىباكينا اقش اشىق چەمپيوناتىندا جەڭىلىپ قالدى

قارسىلاستار وسىعان دەيىن كەزدەسپەگەن

قازاقستاننىڭ ءبىرىنشى، الەمنىڭ 25-راكەتكاسى ا قش اشىق چەمپيوناتىنىڭ ەكىنشى اينالىمىنا شىعا المادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 131-ورىندا تۇرعان فرانسيالىق كلارا بيۋرەلمەن شەبەرلىك بايقاستى.

قارسىلاستار وسىعان دەيىن كەزدەسپەگەن بولاتىن.
ءبىرىنشى پارتيادا فرانسيالىق سپورتشى باسىم ءتۇستى - 6:4.

كلارا ەكىنشى سەتتە بىردەن 2:0 ەسەبىمەن العا شىقتى. اقىرى سول قارقىنىنان جاڭىلعان جوق - 6:4.
وسىلايشا، ە.رىباكينا باسەكەنىڭ ءفاۆوريتى بولعانىنا قاراماستان، كۇتپەگەن جەردەن قارسىلاسىنا ەسە جىبەردى.

ساعات جارىمعا سوزىلعان ماچتا ە.رىباكينا 4 ەيس جاساپ، 9 برەيك-پوينتتىڭ بىرەۋىن عانا پايدالاندى. فرانسيالىق سپورتشى 4 ەيسپەن بىرگە 3 برەيك-پوينتتى تۇگەل ءوز ەسەبىنە جازدى.

ك.بيۋرەل ەكىنشى اينالىمدا بەلگيالىق ەليسون ۆان ەيتۆانك نەمەسە امەريكالىق ۆينۋس ءۋيليامستىڭ بىرەۋىمەن كورتقا شىعادى.

ەسكە سالا كەتەيىك، بۇدان بۇرىن الەكساندر بۋبليكتىڭ اقش اشىق چەمپيوناتىنىڭ ەكىنشى اينالىمىنا شىققانىن جازعان بولاتىنبىز.