يادرولىق ەنەرگيا دەپارتامەنتىنىڭ ديرەكتورى رەتىندە قازاقستاننىڭ اتوم ەنەرگەتيكاسىنا كوشۋ ماسەلەسىندە ايتارلىقتاي تاجىريبەسى مەن الەۋەتى بار ەكەنىن ايتقىم كەلەدى.
– قازاقستان كومىر ەنەرگەتيكاسىنان تازا، ياعني اتوم ەنەرگياسىنا كوشۋى كەرەك. سەبەبى جەل مەن كۇن ەنەرگياسىن تۇراقتى «جاسىل» ەنەرگيا كوزى رەتىندە قاراستىرۋ قيىن، اسىرەسە ونەركاسىپتىك ماسشتابتاعى قاجەتتىلىكتەردى جابۋ ءۇشىن. ال قازاقستاننىڭ اتوم ەنەرگەتيكاسى سالاسىندا ۇلكەن تاجىريبەسى بار. ەلىمىزدە قاجەتتى ينفراقۇرىلىم، تۇراقتى رەتتەۋشى جانە قاداعالاۋ ورگاندارى جاقسى دامىعان. ءبىز بەيبىت اتومدى قولدايمىز جانە رەفەرەندۋم كەزىندە قازاقستان حالقى دا بۇل باستامانى قولدايدى دەپ سەنەمىز.
قازاقستاننىڭ اقتاۋ قالاسىندا Bن-350 جىلدام نەيتروندى رەاكتورى 1973 جىلدان 1988 جىلعا دەيىن جۇمىس ىستەپ، قالاعا جىلۋ ەنەرگياسىن، ەلەكتر قۋاتىن جەتكىزىپ قانا قويماي، تەڭىز سۋىن تۇششىلاندىرۋعا دا قولدانىلدى. ول تاۋلىگىنە 120 مىڭ تەكشە مەتر تازارتىلعان سۋ بەرەتىن الەمدەگى جالعىز يادرولىق تۇششىلاندىرۋ قوندىرعىسى بولدى.
– قازاقستان ءۇشىن اتوم ەنەرگەتيكاسى بۇرىننان تانىس سالا. اقتاۋ قالاسىنداعى Bن-350 رەاكتورى سول كەزدەگى ەڭ قۋاتتى جىلدام نەيتروندى رەاكتورلاردىڭ ءبىرى بولىپ تابىلدى جانە ول ۇزاق جىلدار بويى ءتيىمدى جۇمىس ىستەدى. بۇل قازاقستاننىڭ اتوم ەنەرگەتيكاسى سالاسىندا باي تاجىريبەسى بار ەكەنىن كورسەتەدى. سونىمەن قاتار، قازاقستان ۋران ءوندىرۋ بويىنشا الەمدەگى ءبىرىنشى ورىندا جانە وسى رەسۋرستاردى ءتيىمدى پايدالانۋ ارقىلى ءوزىنىڭ ەنەرگەتيكالىق قاجەتتىلىكتەرىن تولىق قامتاماسىز ەتە الادى.
قازاقستان رەسۋرستاردى ءوز ەنەرگەتيكالىق قاجەتتىلىكتەرىن قامتاماسىز ەتۋگە جانە اتوم ەنەرگەتيكاسىن بەلسەندى دامىتۋعا باعىتتاۋى كەرەك.
اتوم ەنەرگەتيكاسىنىڭ قازاقستان ءۇشىن ارتىقشىلىقتارى ايقىن – تۇراقتى ەنەرگيا كوزى، ەكونوميكالىق تيىمدىلىك جانە ەكولوگيالىق تازا تەحنولوگيا. سوندىقتان قازاقستاننىڭ اتوم ەنەرگەتيكاسىنا كوشۋى ەلدىڭ ەنەرگەتيكالىق تاۋەلسىزدىگىن كۇشەيتىپ، حالىقارالىق دەڭگەيدەگى بەدەلىن ارتتىرا الادى.