دارىگەرلەر فيزيكالىق بەلسەندىلىك پەن اقىل-وي قىزمەتى ميدى قارتايۋدان قۇتقاراتىنىن اتادى
ميداعى دەسترۋكتيۆتى پروسەستەر تۇقىم قۋالاۋشىلىققا، كليماتقا، جالپى دەنساۋلىققا بايلانىستى بولۋى مۇمكىن، دەيدى دارىگەرلەر.
دارىگەرلەر ميدىڭ قارتايۋىن تەجەپ، ونىڭ ۇزاق جىلدار بويى جۇمىس ىستەۋ قابىلەتتىلىگىن ارتتىراتىن قاراپايىم ءۇش ءادىستى اتادى. ولاردىڭ ايتۋىنشا، ادام الدىمەن دۇرىس ۇيىقتاپ، ۇيقىسى قانىق بولۋ كەرەك. بۇل ميدىڭ اقىل-وي قىزمەتىنەن كەيىن قايتا قالپىنا كەلۋىنە مۇمكىندىك جاسايدى. دارىگەرلەر سونداي-اق ۇيقىسى قانعان ادامنىڭ جۇمىس ىستەۋ قابىلەتتىلىگى دە جوعارى بولاتىنىن اتادى، ونداي ادامدار سترەسستىك جاعدايلاردى دا جەڭىل قابىلدايدى.
ەكىنشى ەرەجە – ۇنەمى جاڭا نارسەلەردى ۇيرەنىپ وتىرۋ قاجەت. وقۋ بارىسىندا ميدا جاڭا نەيروندىق بايلانىستار پايدا بولادى. بۇل ميدىڭ تۇراقتى دامۋىنا ىقپال ەتەدى جانە قارتايۋعا جول بەرمەيدى.
دارىگەرلەر سونىمەن قاتار جۇمىس كۇنى ىشىندە ۆيتاميندەر مەن ديەتالىق قوسپالاردى قابىلداۋدى ۇسىنادى. ولار نەگىزگى دارۋمەندەردى كوكونىستەر مەن جەمىستەردەن الۋعا بولاتىنىن دا اتاپ ءوتتى.
بۇعان دەيىن ديەتولوگ سەرەنا پۋن (Serena Poon) تاعامدارداعى ۋلى زاتتار ميدىڭ قارتايۋىن جىلدامداتاتىنىن ايتقان بولاتىن. ولاردىڭ قاتارىندا قانت، وڭدەلگەن ەت جانە تازارتىلعان كومىرسۋلار بار.