قازاقستان قۇراماسى ءبىر كۇمىس جانە ەكى قولا مەدال جەڭىپ الدى
دزيۋدودان قازاقستان قۇراماسى تەل-اۆيۆتەگى الەمدىك «Grand Slam» جارىسىن ءبىر كۇمىس جانە ەكى قولا مەدالمەن اياقتادى، دەپ حابارلايدى Almaty-akshamy.kz Olympic.kz-كە سىلتەمە جاساپ.
بۇگىن، جارىستىڭ ءۇشىنشى كۇنىندە وتاندىق تاتامي شەبەرلەرى جۇلدەگەرلەر قاتارىنان كورىنە المادى. قازاقستان ساپىنان نازگۇل ماراتوۆا جۇبانىش فينالىنا شىققانىمەن، قولا جۇلدە ءۇشىن تالاستا قارسىلاسىنا جول بەردى. 78 كەلىدەن جوعارى سالماقتا سىنعا تۇسكەن ول قولا جۇلدە ءۇشىن بەلدەسۋدە فرانسيالىق دجۋليا تولوفۋادان ۇتىلىپ، جارىستى بەسىنشى ورىنمەن اياقتادى.
ايتا كەتەرلىگى، قازاقستان قۇراماسى اتالعان جارىستا ءبىر كۇمىس جانە ەكى قولا مەدال جەڭىپ العان بولاتىن. 60 كەلىگە دەيىنگى سالماق دارەجەسىندە بەلدەسكەن باۋىرجان ناربايەۆ جارىستىڭ كۇمىس جۇلدەسىن يەلەنسە، ماعجان شامشادين (60 كگ) مەن جانساي سماعۇلوۆ (73 كگ) قولا جۇلدەگە قول جەتكىزدى.