بالا اعزاسىن دارۋمەنمەن دەمەپ، ال-دارمەنىن ارتتىرۋ ءۇشىن ونى تۇراقتى، ۋاقتىلى بەرۋدىڭ ماڭىزى زور. بويىندا ورگانيزمگە قاجەتتى ەلەمەنتتەر قۇرامى تولىق بالالاردىڭ قۋاتى مول، سەرگەك ءارى مىعىم بولادى.
دارۋمەندەر – تاعامداعى حيميالىق قوسىلىس. ولاردىڭ وسۋگە، دامۋعا، زات الماسۋعا جانە ەنەرگيانىڭ تولىعۋىنا ومىرلىك ماڭىزى زور. ولار وتە از مولشەردە قاجەت بولعاندىقتان ميلليگراممەن (مگ) نەمەسە ميكروگراممەن (مكگ) ولشەنەدى، دەپ حابارلايدى Almaty-akshamy.kz.
بالالاردىڭ دەنساۋلىعى، اسىرەسە، قىس ايلارىندا السىرەۋى مۇمكىن. اۋا تەمپەراتۋراسىنىڭ سالقىنداۋى سالدارىنان اتا-انالار بالالاردى تازا اۋادا سەرۋەندەتۋدى سيرەتىپ نە تىيىپ تاستايدى.
سۋىق «سوققىدان» بالا يممۋنيتەتى تومەندەپ، اۋرۋشاڭ بولماس ءۇشىن دارىگەر ءازيزا ءابدىراسىل قىزى جىل بويى جالعاپ ءىشۋ كەرەك بازالىق دارۋمەندەر ءتىزىمىن ءبولىستى.
«مەزگىل تاڭداماي بارلىق بالا كۇندەلىكتى ءىشۋى كەرەك بازالىق ۆيتاميندەر بار. ولار:
- دز؛
- ومەگا 3؛
- يود؛
- لەسيتين؛
- ماگنيي»، دەدى دارىگەر.
قىستا بالانى تازا اۋاعا شىعارۋدى تىيماۋ كەرەك. تەك سالقىن اۋا رايىندا دۇرىس كيىندىرۋ ءتارتىبىن بىلگەن ابزال.
«قىستا ۇيلەردە جىلۋ قوسىلىپ تۇرعاننان، اۋا قۇرعاپ كەتەدى. سوندىقتان بولمە ءىشىن جەلدەتىپ، اۋا الماستىرىپ وتىرۋ شارت. بۇل قاتاردا بالانى قىس مەزگىلىندە دە تازا اۋادا سەرۋەندەتۋدىڭ ماڭىزى زور. تەك مىنا كيىندىرۋ ءتارتىبىن ەستە ساقتاڭىز. قىس مەزگىلىندە بالاڭىز توڭىپ قالماۋى ءۇشىن نەمەسە كەرىسىنشە تەرلەپ كەتپەۋى ءۇشىن وزىڭىزدەن ءبىر كيىمگە ارتىق كيىندىرىڭىز. سول كەزدە بالاعا قولايلى تەمپەراتۋرا بولماق»،- دەدى دارىگەر.
دارىگەردەن ەكپەدەن ەسى كەتىپ قورقۋدىڭ قانشالىقتى دۇرىس ەكەنىن دە جاۋاپ بەردى. تۇماۋعا قارسى ەكپە الۋ شارت پا؟
«كەز كەلگەن ەكپە پروفيلاكتيكالىق ماقساتتا، ياعني اۋرۋدىڭ الدىن الۋ ءۇشىن ەگىلەدى. ءبىراق ەكپە العان بالا مۇلدەم اۋىرمايدى دەگەن ءسوز ەمەس. ەكپە العان بالا دا اۋىرادى ءبىراق ەكپە الماعان بالاعا قاراعاندا اۋرۋ پروسەسى جەڭىل ءوتۋى مۇمكىن. ەڭ باستىسى، ەكپەنى بالانى جان-جاقتى تەكسەرىستەن وتكىزىپ، دەنساۋلىق جاعدايىنىڭ دۇرىستىعىنا 100 پايىز كوز جەتكىزىپ سالعان دۇرىس»، - دەيدى ول.