ليونەل مەسسي مەن «بارسەلونانىڭ» اراسىندا جاسالعان كەلىسىم-شارتتىڭ مەرزىمى اياقتالدى. بۇل تۋرالى كاتالونيالىق كلۋب رەسمي سايتىندا جاريالادى دەپ حابارلايدى almaty-akshamy.kz
«بارسەلونا» ارگەنتينالىق شابۋىلشىمەن جاڭا كەلىسىمشارت جاساي المادى. بۇعان سەبەپ - قارجى تاپشىلىعى مەن لا ليگاداعى شەكتەۋلەر. مەسسي «بارسا» ساپىندا 2000 جىلدان بەرى ويناپ كەلدى. ول كاتالونيالىقتارمەن بىرگە 10 مارتە يسپانيا چەمپيونى بولعان. بۇدان بولەك 7 رەت يسپانيا كۋبوگىن، 7 رەت سۋپەركۋبوكتى، 4 مارتە چەمپيوندار ليگاسىن، 3 رەت ەۋروپا سۋپەركۋبوگىن ۇتىپ العان.
بيىل 1 ماۋسىم كۇنى تاراپتار اراسىندا جاسالعان كەلىسىمشارتتىڭ مەرزىمى اياقتالعانىن ايتىپ كەتۋ كەرەك. وسىندان كەيىن سپورت جۋرناليستەرى ارگەنتينالىق ويىنشى «مانچەستەر سيتي» نەمەسە «پاري سەن-جەرمەن» كلۋبتارىنا اۋىسادى دەپ جارىسا جازعان ەدى.