سامبو كۇرەسىنەن 2007-2008، 2009-2010 جىلى دۇنيەگە كەلگەن جاسوسپىرىمدەر اراسىندا «سامبو كۇنى» مەيرامىنا ارنالعان رەسپۋبليكالىق تۋرنير ءوتتى.
تالدىقورعاندا وتكەن دوداعا تاجىكستان، وزبەكستان، قىرعىزستان رەسپۋبليكاسىنان دا بالۋاندار كەلگەن. تۋرنيردە 200-دەن استام سپورتشى ونەر كورسەتتى، دەپ حابارلايدى اlmaty-akshamy.kz 24.kz-كە سىلتەمە جاساپ.
46 كەلىدە تاجىكستان بالۋاندارى قارسىلاس شاق كەلتىرمەي، جۇلدەلى ءبىرىنشى، ەكىنشى ورىندى ءوزارا ءبولىستى. 49 كەلىدە قونايەۆ قالاسىنىڭ سامبوشىسى بەك-ارىس اۋەزحان چەمپيون اتاندى. 53 كەلى سالماقتا تالدىقورعاندىق ەلجان سەرىكبولدىڭ باعى مەن بابى قاتار شاپسا، 58 كەلىدە پاۆلودارلىق ءامىرحان ءنابي تۋرنير جەڭىمپازى بولدى. ورتا جانە اۋىر سالماقتاردا دياس ءشارىپقالي، ەراسىل سۇلتانعالي، سانجار از-دەروۆ سياقتى جەتىسۋ مەن الماتى وبلىسىنىڭ بالۋاندارى قارسىلاستارىن، بەت قاراتپاي ۇتتى. تۋرنير بارىسىندا ارمەنيادا وتكەن الەم چەمپيوناتىندا ەلىمىزدىڭ نامىسىن قورعاپ، قولا جۇلدەگەر اتانىپ قايتقان جەتىسۋ وبلىسىنىڭ بالۋانى ارنۇر قۋاتايعا جانە ونىڭ جاتتىقتىرۋشىلارىنا قۇرمەت كورسەتىلدى.
دياس ءشارىپقالي، جارىس جەڭىمپازى: -بۇگىنگى جارىستىڭ ۇيىمداستىرىلۋى وتە جاقسى بولعان. جوعارى دەڭگەيدە ءوتىپ جاتىر. ماعان ەڭ قيىن بولعان بەلدەسۋ ول – فينالدىق بەلدەسۋ. 2:1 ەسەبىمەن ۇتتىم.
قايرات نۇرباي ۇلى جەتىسۋ وبلىستىق سامبو كۇرەسى فەدەراسياسىنىڭ ۆيسە-پرەزيدەنتى: - ەندى مىنا تۋرنيرعا كەلەتىن بولساق، بۇل تۋرنير سامبو كۇرەسىنە ارنالعان 85 جىلدىعىنا بايلانىستى رەسپۋبليكالىق تۋرنير. بۇل تۋرنير 1998 جىلدان باستاپ سارىوزەك قالاسىندا وتەتىن. بيىلدان باستاپ وزىمىزگە، تالدىقورعان قالاسىنا الدىق. قازىرگى تاڭدا سپورتشىلاردىڭ دايىندىعى وتە جاقسى.
