اباي اتىنداعى قازاق ۇلتتىق وپەرا جانە بالەت تەاترىندا ق ر سىرتقى ىستەر مينيسترلىگىنىڭ الماتى قالاسىنداعى وكىلدىگىنىڭ ۇيىمداستىرۋىمەن قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي سالتاناتتى جيىن ءوتتى. شاراعا وكىلدىكتىڭ باسشىلىعى مەن ۇجىمى، ق ر ديپلوماتيالىق قىزمەتىنىڭ ارداگەرلەرى، الماتى قالاسىندا تىركەلگەن ديپلوماتيالىق وكىلدىكتەرىنىڭ جانە حالىقارالىق ۇيىمداردىڭ باسشىلارى، ب ا ق، عىلىمي جانە بيزنەس توپتاردىڭ وكىلدەرى قاتىستى.
ءىس-شارا بارىسىندا ق ر ديپلوماتيالىق قىزمەتىنىڭ ارداگەرلەرى سىرتقى ىستەر مينيسترلىگى وكىلدىگىنىڭ قىزمەتكەرلەرىنە مەملەكەتتىك ناگرادالار مەن العىس حاتتاردى تابىستاۋ ءراسىمى ءوتتى. قابىلداۋدىڭ رەسمي ءبولىمى اياقتالعاننان كەيىن قوناقتار قازاق ۇلتتىق وپەرا جانە بالەت تەاترى جۇلدىزدارىنىڭ سالتاناتتى كونسەرتىن تاماشالادى.
«تاۋەلسىزدىكتىڭ العاشقى جىلدارىنان باستاپ قازاق ەلىنىڭ ۇل-قىزدارى ەلمەن بىرگە ەركىندىككە شىقتى. ءبىلىم جولىنداعى جاستارىمىز حالىقارالىق جەتىستىكتەرگە جەتىپ. عىلىمىمىزدى دامىتىپ جاتقان جايى بار. مەنىڭ ويىمشا، قازىرگى قازاق جاستاردىڭ ارمانى جوق. ءوزى قالعان تىلدە ءبىلىم الادى، قاجەتتى اقپاراتتاردىڭ بارلىعىن ەش قينالماستان ءبىلىم جولىنا جۇمساپ. جۇلدەلى ورىنداردان كورىنە الادى»،– دەيدى قازاقستاندىق ديپلوماتتار قاۋىمداستىعىنىڭ تورەعاسى ماقسات نۇرماعامبەتوۆ.
سونداي-اق، قازاقستاننىڭ قۇرىلىس سالاسىندا 35 جىل ەڭبەك سىڭىرگەن قايراتكەرى، الماتىداعى ەلۋ مىڭ شارشى مەتردەن استام تۇرعىن ءۇي سالۋ قۇرىلىسىنا، پيت الاتاۋ تەحنوپارك قۇرىلىسىنا، ق ر پرەزيدەنتىنىڭ جانىنداعى قازاقستاندىق ستراتەگيالىق زەرتتەۋ ينستيتۋتىنىڭ قۇرىلىسىنا بەلسەندى قاتىسقانى ءۇشىن «قازاقستان رەسپۋبليكاسىنىڭ تاۋەلسىزدىگىنە 30 جىل» مەرەكەلىك مەدالىمەن سولتۇستىك ماكەدونيانىڭ قۇرمەتتى كونسۋلى سۇلتان ءابدىحايىم ۇلى مۇقشايەۆ ناگرادتالادى.
بۇدان بولەك، ق ر سىرتقى ىستەر مينيسترلىگىنىڭ الماتى قالاسىنداعى وكىلدەرى ماراپاتالدى.