م.اۋەزوۆ اتىنداعى قازاق ۇلتتىق اكادەميالىق دراما تەاترىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان ءداستۇرلى «قاراشاڭىراق–2021» فەستيۆالى وتۋدە. شارانىڭ ماقساتى – تەاتر قىزمەتىنىڭ باعىت-باعدارىن ايقىنداۋعا، شىعارماشىلىق ىزدەنىستەردى جۇزەگە اسىرۋعا، اكتەرلىك شەبەرلىكتى شىڭداۋعا باعدار بەرۋ، دەپ حابارلايدى Almaty-akshamy.kz.
«ءداستۇردى ارداقتاۋ – سەركە سىندى ۇلاعاتتى ۇستازداردان ۇلگى الۋ دەگەن ءسوز. تەاتر ونەرىنىڭ مايتالماندارىنىڭ رۋحىنا ارنالىپ جاسالىپ جاتقان فەستيۆال جاس ۇرپاققا ۇلكەن ۇلگى بولارى ءسوزسىز. تەاتر قورجىنى جاڭا قويىلىمدارمەن تولىعۋدا. بۇل دەگەنىمىز، بولاشاق ۇرپاقتىڭ سانالى دا سالماقتى، ادەبيەت پەن ونەرگە قۇمار بولىپ ءوسىپ كەلە جاتقانىنىڭ دالەلى. جاستار اراسىندا ۇيىمداستىرىلعان شارالار ولاردىڭ قيالىنا قانات ءبىتىرىپ، بىلىكتى مامان بولۋىنا سەپتىگىن تيگىزىپ قانا قويماي، مادەنيەتىمىزدىڭ وركەندەۋىنە جول اشپاق»، – دەيدى مەملەكەتتىك سىيلىقتىڭ لاۋرەاتى ءاسانالى ءاشىموۆ.
فەستيۆال 1995 جىلدان بەرى جىل سايىن ۇيىمداستىرىلادى. سوڭعى جىلدارى تەاتر باسشىلىعى ءار فەستيۆالدى ومىردەن وتكەن ساحنا ساڭلاقتارىنىڭ قۇرمەتىنە ارناپ ءجۇر. بۇل قازاق ونەرى حاس شەبەرلەرىنىڭ رۋحىنا تاعزىم ەتىپ، ولاردىڭ ەڭبەكتەرىن جاس ونەرپازدارعا ۇلگى ەتۋ ماقساتىندا جۇرگىزىلۋدە.
«بيىل جاس رەجيسسەرلاردىڭ ەڭبەكتەرى ب ا ق سىناماق. ولاردىڭ ىشىندە الەمدىك كلاسسيكتەردىڭ اۋدارمالارى، ادەپكى باعىتتان وزگەرەك، جاڭاشا ستيلدەگى شىعارمالارى كورەرمەن قاۋىمعا ۇسىنىلماق. ساراپشىلارىمىز جاستاردىڭ ەڭبەگىن باعالاپ، تالانتتار توپ جارادى دەگەن سەنىمدەمىز»، – دەيدى م.اۋەزوۆ اتىنداعى قازاق ۇلتتىق اكادەميالىق دراما تەاترىنىڭ ديرەكتورى ەركىن جۋاسبەك.
ءداستۇرلى دوداعا تۇسكەن قويىلىمدار كوشىن ولجاس جانايداروۆتىڭ «ەكەۋمىز» دراماسى باستاپ، كورەرمەندەردى ءبىر سەرپىلتىپ تاستادى. «سىنعا ءتۇسىپ جاتقان «پەرى قاتىن» سپەكتاكلىنىڭ پرەمەراسىن گەرمانيادان ورالعان بەلگىلى رەجيسسەر، نەمىس دراماتۋرگياسىنىڭ بىلگىرى مارقۇم بولات اتابايەۆ اعامىز تاماشالاپ، ءوز باعاسىن بەرگەن ەدى. مەنىڭ ويىمشا، ءبىز ءار حالىقتىڭ مادەنيەتىن، سالت-ساناسىن تەاتر ونەرى ارقىلى كورسەتۋگە ءتيىسپىز. ءار ادامنىڭ ءوز تالعامى، تانىم-تۇيسىگى بولاتىنداي، قويىلىمدار مەن سپەكتاكلدەردە دە وزگەشەلىك بولۋى كەرەك»، – دەيدى م.اۋەزوۆ اتىنداعى قازاق ۇلتتىق اكادەميالىق دراما تەاترىنىڭ رەجيسسەرى ەلىك نۇرسۇلتان.
جوعارى رۋحانياتتى ورنىقتىرۋعا ۇمتىلۋدى، ساحنا ونەرىنىڭ قوعامعا اسەر-ىقپالىن ارتتىرۋ مەن ءداستۇرلى ۇلتتىق قۇندىلىقتارىمىزدى جاڭعىرتا ءتۇسۋ ارقىلى جاس ۇرپاقتى ىزگىلىك يدەيالارىنا تاربيەلەۋدى كوزدەيتىن فەستيۆال اياسىندا شاكەن ايمانوۆ، ەلۋباي ءومىرزاقوۆ، قاپان بادىروۆ، تاڭات جايلىبايەۆتاردىڭ شىعارماشىلىق عۇمىرىنا ارنالعان ارنايى كورمە كورسەتىلدى.